Qualcomm yeni Snapdragon 888 Plus prosessorunu təqdim edib

Qualcomm yeni Snapdragon 888 Plus prosessorunu təqdim edib

Texnologiya
28.06.2021 PAYLAŞIM

    Bugün Barselonada start götürmüş MWC 2021 sərgisi çərçivəsində Qualcomm şirkəti Snapdragon 888 Plus adlı yeni flaqman prosessorunu təqdim edib. Sözügedən yeni prosessor Snapdragon 888-in təkmilləşdirilmiş versiyasıdır. Lakin qeyd etmək lazımdır ki, yeni prosessorda dəyişikliklər elə də böyük deyil. Texniki baxımdan yeni Snapdragon 888 Plus modeli Snapdragon 888-dən az fərqlənir. Belə ki, Snapdragon 888 Plus da adi model kimi 5 nanometrlik texnoloji proses əsasında hazırlanıb və 8 nüvədən ibarətdir. Prosessor özündə 1 ədəd Cortex-X1 supernüvəsini, 3 ədəd performanslı Cortex-A78 nüvəsini və sərf olunan enerji effektivliyi baxımından 4 ədəd Cortex-A55 nüvəsini birləşdirir.


    Plus modeli adi Snapdragon 888-dən fərqləndirən əsas xüsusiyyət ondadır ki, Plus model 2.84 GHz-dən 3 GHz tezliyə kimi çalışa bilir. Prosessorun qrafik özəlliklərindən isə Adreno 660 qrafik çipi cavabdehdir. Qualcomm CPU ilə GPU performanslarının nə dərəcədə yüksəldiyi barəsində məlumat verməyib. Qualcomm-un verdiyi məlumata əsasən yeni prosessorda əsas təkmilləşdirmə 6-cı nəsil Qualcomm AI Engine blokunun inteqrasiyasıdır. Bu texnologiya süni zəka ilə bağlı əməliyyatların yerinə yetirilməsindən cavabdehdir. Adi Snapdragon 888-də bu texnologiyanın performansı 26 TOPS (1 saniyədə trilyon əməliyyat) idisə, yeni Snapdragon 888 Plus-da onun performans göstəricisi 32 TOPS təşkil edir.

    Başqa sözlə desək, Plus modeldə süni zəka ilə bağlı əməliyyatlar 20% daha sürətlə yerinə yetirilməlidir. Bununla yanaşı Sanpdragon 888 Plus modelinə 5G dəstəkli Snapdragon X60 modemi inteqrasiya edilib. Sözügedən modem saniyədə 7.5 Gbit sürətlə məlumat ötürülməsini təmin edir. Həmçinin yeni prosessor LPDDR5 standartlı 16 GB-a kimi RAM yaddaşını, 60 Hz-lik təsvir yenilənməsinə sahib 4K və 144 Hz-lik təsvir yenilənməsinə sahib QHD+ ekranları, Wi-Fi 6E standartını, Bluetooth 5.2-ni, 200 MP-ə kimi kameraları və 30 fps sürətlə 8K keyfiyyətində videoçəkilişi dəstəkləyir. Snapdragon 888 Plus prosessoruna sahib ilk smartfonlar bu ilin üçüncü rübündə satışa çıxacaqlar.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Çində kriptovalyutalar ilə bağlı bütün tranzaksiyalar qadağan olunub

Çin Xalq Bankı kriptovalyutalarla bağlı olan istənilən tranzaksiyaların qanunsuz və qadağan olduğunu..


Avropa Komissiyası bütün cihazların şarjları üçün USB Type-C-ni vahid standarta ..

Gözlənildiyi kimi Avropa Birliyinin icraçı orqanı olan Avropa Komissiyası smartfon və digər elektron..


Apple şirkətinin AR cihazı barəsində yeni məlumatlar verilib

iPhone 13-ün təqdimatından sonra Apple şirkəti çoxlu sayda tənqidə məruz qaldı. Lakin verilmiş yeni ..


Avropa Birliyi smartfonlar üçün şarj cihazlarının vahid standartını hazırlayır: ..

Avropa komissiyası sabah smartfonlar, planşetlər və qulaqlıqlar üçün nəzərdə tutulmuş şarj cihazları..


İnsayderlər Apple A16 Bionic prosessoru barəsində ilkin məlumatları veriblər..

Mütəxəssislərin fikirlərinə əsasən iPhone 13 modellərində istifadə olunan Apple A15 Bionic prosessor..


SpaceX-in Inspiration4 adlı mülki missiyası uğurla yekunlaşıb

Inspiration4 adlı mülki missiya çərçivəsində istifadə edilmiş Crew Dragon kosmik gəmisi uğurla Atlan..

×