Xiaomi-nin Redmi brendi Redmi G27Q adlı oyun monitorunu təqdim edib. Sözügedən oyun monitoru sürətlə çalışan və nazik çərçivələrə sahib ekran ilə təchiz olunub. Beləliklə Redmi G27Q monitoru 165 Hz-lik təsvir yenilənməsinə sahib 2K keyfiyyətli 27 düym IPS ekran ilə təchiz olunub. Ekran sRGB rəng diapazonun 100%-ni, DCI-P3 rəng diapazonunun isə 98%-ni əhatə edir. Monitor özündə USB Type-C, HDMI, DisplayPort 1.4 girişlərini və naqilli qulaqlıqlar üçün nəzərdə tutulmuş 3.5 mm-lik audiogirişi birləşdirir. USB Type-C girişini həmçinin noutbukun şarj olunması üçün istifadə etmək olar. Redmi G27Q monitoru 240$ qiymətində satışa çıxacaq. Onun nə zaman satışa çıxacağı barəsində məlumat isə daha sonra veriləcək.