Redmi brendi Monitor A22 adlı ultra büdcəli monitorunu təqdim edib. Sözügedən monitor flaqman texniki özəlliklərə sahib olmasa da özündə yüksək təsvir yenilənməsini birləşdirir. Bu isə onda təsvirlərin daha axıcı şəkildə əks olunmasına şərait yarada bilər. Monitor A22 1920x1080 piksel keyfiyyətli 21.45 düym VA ekran ilə təchiz olunub. Sözügedən monitor sRGB rəng mühitinin 99%-ni əhatə edir və onun maksimal parlaqlıq səviyyəsi 250 nit təşkil edir. Monitorun təsvir yenilənməsi isə 75 Hz-dir. Həmçinin monitorda istifadəçi gözlərinin göy şüalanmadan qorunması özəlliyi var. Monitor A22 özündə bir ədəd HDMI və VGA girişini birləşdirir. Onda heç bir USB girişi mövcud deyil. Redmi Monitor A22 artıq Çin bazarında 58$ qiymətində satışa çıxıb.