main-post-cover

    Samsung barmaq izi skanı vasitəsilə ürək döyüntülərini ölçə bilən OLED ekranını təqdim edib

    Elm & Texnologiya
    23.05.2023
    Emil Nəcəfov
        Samsung şirkəti heç bir əlavə sensordan istifadə etməyərək istifadəçinin barmaq izi skanı vasitəsilə ürək döyüntülərini ölçə bilən OLED ekranı təqdim edib. Bu, dünyada birinci belə bir ekrandır. Samsung bu texnologiyanın necə çalışdığı barəsində məlumat verib. Şirkətin yeni ekranlarının prototipləri orqanik fotodiodlarla təchiz olunublar. Bu isə on deməkdir ki, ekranların hər bir pikseli ətrafdakı işığı udaraq onun sayı barəsində məlumatı sistemə (smartfon, smart saat və s.) ötürə bilir.
        Buna görə də bu cür ekran ürək döyüntülərini ölçən sensor qismində çalışa bilər. “İnsanın qan təzyiqini dəqiq şəkildə ölçmək üçün onun hər iki qolundakı təzyiqi təyin etmək lazımdır. Sensorlu OLED ekran isə taxıla bilən digər cihazlarla müqayisədə eyni anda bir neçə barmağı skan edərək istifadəçi səhhətininin vəziyyəti ilə bağlı dəqiq məlumatı təqdim edir” - deyə Samsung Display təmsilçisi qeyd edib. Hazırlanmış yeni OLED ekran əlavə sensor olmadan istifadəçinin barmaq izlərini tanıya, onun stress və təzyiq səviyyəsini təyin edə və ürək döyüntülərini ölçə bilər. Bu cür OLED ekranın kommersiya məqsədli cihazlara nə zaman inteqrasiya ediləcəyi bilinmir.
    Linki kopyala