“Samsung” şirkəti özünün yeni flaqman modeli olacaq Galaxy Note 8-in təqdimat tarixini təsdiqləyib.

Galaxy Note 8, 23 Avqust tarixində Nyu York şəhərində təqdim olunacaq. Bundan əlavə olaraq şirkət həmçinin cihazın keyfiyyətli fotolarını da təqdim edib. Təqdim olunmuş tizer fotoda, Galaxy S8-ə bənzəyən cihazı görmək olar. Lakin tizer fotodakı cihazın ölçüsü Galaxy S8-dən bir qədər böyükdür. Təbii ki, fotoda həmçinin S Pen-i görmək olar. Həmçinin fotoda “Do bigger things” cümləsi əks olunub. Bu cümlə isə Galaxy Note seriyasında istifadə olunur. Bundan əlavə olaraq gələn ayın sonunda bu cihazın anonsu öncəsi onun yeni fotoları da yayılıb. Daha əvvəlki fotolardan fərqli olaraq yeni fotolarda Note 8-in kənar hissələri daha dairəvidir. Beləliklə dizayn cəhətdən o, Galaxy S8 ilə Galaxy S8+ modellərini xatırladır. Buna baxmayaraq adı çəkilmiş modellərdən fərqli olaraq Note 8-in aşağı və yuxarı panelləri daha nazikdir. Məlumatlara əsasən Galaxy Note 8, 6.3 inç Super AMOLED ekran, 8 nüvəli Snapdragon 835 prosessoru, 6 GB RAM, 3300 mAh enerji tutumlu batareya və 12 MP-lik ikili arxa kamera ilə təchiz olunacaq.

Bənzər xəbər

Huawei Honor 8-in texniki göstəriciləri rəsmi olaraq təqdim olunub