Samsung Galaxy SmartTag 2 axtarış trekerinin təqdimatı çox yaxındır

    Bir neçə ay bundan öncə məlumat ortaya çıxmışdı ki, Samsung şirkəti itmiş əşyaların axtarışı üçün nəzərdə tutulmuş Galaxy SmartTag axtarış trekerinin ikinci nəslini təqdim edəcək. Galaxy SmartTag 2-nin keçən həftə baş tutmuş Galaxy Unpacked tədbirində təqdim olunacağı gözlənilirdi. Lakin nəticədə bu, baş vermədi. İndi isə Samsung-un yeni axtarış trekeri ABŞ-n FCC adlı sertifikatlaşdırma agentliyinin məlumatlar bazasında ortaya çıxıb.

    FCC-nın məlumatlar bazasında ortaya çıxmış fotoya əsasən Galaxy SmartTag 2 yenilənmiş dizayna və bir qədər böyük ölçüyə sahib olacaq. Bununla yanaşı Samsung-un yeni axtarış trekeri Bluetooth 5.2 texnologiyasının dəstəyini özündə birləşdirəcək. Daha öncəki məlumat sızıntılarına əsasən Galaxy SmartTag 2-nin çalışma radiusu daha geniş olacaq. Yeni axtarış trekerinin yaxın zamanda təqdim olunacağı gözlənilir.