Samsung Galaxy Tab S9 FE və Tab S9 Lite planşetləri Geekbench 6 testlərindən keçiblər

    Keçən həftə məlum olmuşdu ki, Samsung Galaxy Tab S9 və Tab S9 Ultra planşetləri Geekbench 6 testlərindən keçiblər. İndi isə Galaxy Tab S9 seriyasına daxil olacaq daha iki planşet modeli də Geekbench 6 testlərindən keçib. Söhbət, Galaxy Tab S9 FE ilə Tab S9 Lite-dan gedir. Geekbench 6 testlərindən keçmiş bu planşetlər Exynos 1380 prosessoru ilə təchiz olunublar. SM-X616B model nömrəsinə sahib planşet 8 GB RAM-a sahibdir və o, Geekbench 6-nın bir nüvəli testi çərçivəsində 980 xal, çox nüvəli testi çərçivəsində isə 2344 xal toplayıb.

    SM-X516B model nömrəsinə sahib planşet 2 GB RAM-a sahibdir və o, Geekbench 6-nın bir nüvəli testi çərçivəsində 991 xal, çox nüvəli testi çərçivəsində isə 2410 xal toplayıb. Bu model nömrələrindən hansının Galaxy Tab S9 FE-yə, hansının Tab S9 Lite modelinə aid olduğunu söyləmək çətindir. Belə ki, Galaxy Tab S8 seriyasında FE və Lite modellər olmadığından yeni planşetlərin model nömrələrini fərqləndirmək olmur.