Samsung Galaxy Tab S9 ilə Tab S9 Ultra planşetləri Geekbench 6 testlərindən keçiblər

    Yay fəslində Samsung şirkəti Galaxy Tab S9 planşet seriyasını təqdim etməlidir. Bu planşet seriyasına Galaxy Tab S9, Tab S9+ və Tab S9 Ultra modellərinin daxil olacağı gözlənilir. İndi isə məlum olub ki, Galaxy Tab S9 ilə Tab S9 Ultra modelləri Geekbench 6 testlərindən keçiblər. Geekbench 6 məlumatlarına əsasən sözügedən planşetlər Snapdragon 8 Gen 2 prosessoru ilə təchiz olunublar. Geekbench 6 testlərindən sözügedən planşetlərin 8 GB RAM-a sahib versiyaları keçib. Demək olar eyni texniki göstəricilərə sahib olmalarına baxmayaraq ən yaxşı test nəticələrini məhz Galaxy Tab S9 Ultra modeli sərgiləyib. Belə ki, o, Geekbench 6-nın bir nüvəli testi çərçivəsində 2028 xal, çox nüvəli testi çərçivəsində isə 5376 xal toplayıb. Adi Galaxy Tab S9 modelinə gəldikdə o, Geekbench 6-nın bir nüvəli testi çərçivəsində 1928 xal, çox nüvəli testi çərçivəsində isə 4727 xal toplayıb.