Samsung növbəti Galaxy Tab S9 planşetinin təqdimatına hazırlaşır

    Keçən həftə Samsung şirkəti Galaxy Tab S9 planşet seriyasını təqdim etdi. Sözügedən seriyaya Galaxy Tab S9, Tab S9+ və Tab S9 Ultra modelləri daxil oldular. İndi isə şirkət daha bir Galaxy Tab S9 modeli üzərində çalışır. Söhbət, Galaxy Tab S9 FE+ planşetindən gedir. Sözügedən planşet artıq ABŞ-ın FCC adlı sertifikatlaşdırma mərkəzində sertifikatlaşdırmadan keçib. Bu isə planşetin yaxın zamanda təqdim olunacağından xəbər verir. FCC məlumatlarına əsasən Galaxy Tab S9 FE+ planşeti Wi-Fi 6, Bluetooth 5.3 dəstəyinə və ikili arxa kameraya sahib olacaq. Daha öncəki məlumat sızıntılarına inansaq, Galaxy Tab S9 FE+ planşeti 12.4 düym ekran ilə təchiz olunacaq və Exynos 1380 prosessoru vasitəsilə çalışacaq.