Samsung şirkəti qatlana bilən Galaxy Fold'un nə zaman satışa çıxacağını heç özü də bilmir

Samsung şirkəti qatlana bilən Galaxy Fold'un nə zaman satışa çıxacağını heç özü də bilmir

Texnologiya
22.07.2019 PAYLAŞIM

    Samsung şirkətinin ilk qatlana bilən smartfon modeli olan Galaxy Fold-un təqdimatından artıq 5 ay keçib. Lakin smartfon hələ də satışa çıxmayıb. Görünür, yaxın zamanda onun satışa çıxmasını gözləmək lazım deyil. Bu barədə Phonearena saytına istinadən Gagadget saytı xəbər verib. Qeyd etmək lazımdır ki, smartfonun daha öncədən planlaşdırılmış satış tarixinə az qalmış şirkət bir neçə Galaxy Fold modelinin test olunması üçün onları jurnalistlərə təqdim etmişdi. Lakin bir neçə gündən sonra test məqsədi ilə göndərilmiş smartfonların ekranları yararsız hala düşdülər. Səbəb isə smartfonun konstruksiyasında olan problemdə idi.

    Nəticədə şirkət Galaxy Fold-un satışlarını təxirə saldı və smartfonun konstruksiyasında olan problemi ardan qaldırmağa başladı. İndi isə bəzi mənbələrin verdikləri məlumatlara əsasən Galaxy Fold-un yeni versiyaları artıq hazırdılar. Onlar hətta bir neçə həftə bundan öncə yenidən test mərhələsinə göndərilmişdilər və bu dəfə də heç bir problem ortaya çıxmamışdı. Məlumata əsasən yeni modellər Samsung KAIST adlı tədqiqat mərkəzinin əməkdaşları, sənaye mütəxəssisləri və Seul Universitetinin professorları tərəfindən test olunublar.

    Uğurlu test nəticələrinə baxmayaraq Samsung şirkəti Galaxy Fold-un satışına start verməyə tələsmir. Hətta dəqiq satış tarixi barəsində də bir məlumat yoxdur. Çox güman ki, şirkətin heç özü də bilmir ki, smartfon nə zaman satışa çıxacaq. Məsələn Çexiya və Slovakiya ölkələri üzrə Samsung Electronics-in təmsilçisi David Sahula jurnalistlərə müsahibə verən zaman bildirmişdi ki, onlar Galaxy Fold-un nə zaman satışa çıxacağı barəsində bir məlumata sahib deyillər. Ola bilər ki, şirkət qatlana bilən smartfon barəsində hansısa məlumatı 7 avqust tarixində versin. Qeyd etmək lazımdır ki, məhz həmin tarixdə şirkət yeni Galaxy Note 10 seriyasının təqdimatını keçirəcək.



SİZƏ MARAQLI OLACAQ BİR NEÇƏ MƏLUMAT


Mazda şirkəti MX-30 adlı ilk elektromobilini təqdim etdi (VİDEO)

Tokioda keçirilmiş avtomobil sərgisi çərçivəsində Mazda şirkəti özünün ilk elektromobil modelini təq..


Huawei şirkəti qatlana bilən Mate X'in satış tarixini və qiymətini elan etdi..

Huawei şirkəti öz ilk qatlana bilən smartfon modeli Mate X-i hələ bu ilin fevral ayında təqdim etmiş..


Huawei şirkəti Google servislərinin alternativlərinin axtarışındadır

ABŞ hökuməti tərəfindən təyin edilmiş sanksiyalar səbəbilə Huawei Mate 30 və Mate 30 Pro smartfon mo..


Samsung şirkətinin AR eynəyinin patent fotosu ortaya çıxdı

İnternetdə Samsung şirkətinin AR eynəyinin patenti ortaya çıxıb. Həmin patentdə şirkətin AR eynəyini..


NASA agentliyi Marsa ilk astronavtların nə zaman göndəriləcəyini elan etdi

Bir neçə gün bundan öncə NASA agentliyi Ay və Mars üçün nəzərdə tutulmuş yeni kosmik skafandr modell..


Redmi Note 8T'nin keyfiyyətli render fotoları təqdim olundu

Dünən biz xəbər vermişdik ki, təkzib edilmiş məlumatlara baxmayaraq Xiaomi şirkəti Redmi Note 8T sma..