Şimali Koreya dünyada ən çox bitcoinə sahib üçüncü ölkə olub

     Şimali Koreya, ABŞ və Böyük Britaniyadan sonra dünyada ən çox bitcoinə sahib olan üçüncü ölkə olub. Bu barədə Times qəzeti Arkham Intelligence analitiklərinə istinadən məlumat verib. Pxenyanın bu statusa çatmasına, tarixdə ən böyük kiberhücum nəticəsində Bybit kriptovalyuta birjasından 1.4 milyard dolların oğurlanması kömək edib. Hazırda Şimali Koreyanın ən böyük və uğurlu haker qrupu hesab edilən Lazarus analitiklərin hesablamalarına görə, ümumilikdə 13 580 bitcoinə sahibdir ki, bu da 1.152 milyard dollar dəyərindədir. Dünyada ən çox bitcoinə sahib olan ölkə 16.5 milyard dollar kapitalla ABŞ-dır. İkinci yerdə isə 5.07 milyard dollarlıq aktivlərlə Böyük Britaniya dayanır. Hər iki hökumət bu aktivləri cinayətkarlardan müsadirə etdiyini bildirir.

     Lazarus, həmçinin TraderTraitor adı ilə tanınan qrup, dünyanın ən uğurlu cinayətkar təşkilatlarından biri hesab edilə bilər. ABŞ hakimiyyəti onu Bybit kriptovalyuta birjasından Ethereum oğurluğuna görə məsuliyyətli sayır. Hakerlərin məqsədlərinə fişinq hücumları vasitəsilə çatdıqları güman edilir. Onlar elektron poçt vasitəsilə istifadəçiləri aldadaraq, kriptobirjanın şəbəkələrinə giriş icazəsi verməyə məcbur ediblər. Bundan sonra cinayətkarlar istifadəçilərə göstərilən ekran mesajlarını dəyişdirib və onların, sanki, etibarlı əməliyyatları təsdiqlədiklərinə inanmalarına nail olublar. Əslində isə istifadəçilər böyük məbləğlərin bir neçə anonim hesab vasitəsilə mərkəzləşdirilməmiş birjalardan köçürülməsinə razılıq veriblər.

     Bybit bu tranzaksiyaları ləğv etməyə cəhd göstərsə də, kriptovalyutanın böyük hissəsi digər rəqəmsal aktivlərə, o cümlədən bitcoinə və ənənəvi (fiat) valyutalara çevrilərək çıxarılıb. Keçən il Şimali Koreyalı hakerlərin təxminən 800.1 milyon dollar dəyərində kriptovalyuta oğurladığı ehtimal edilir. Ümumilikdə isə həmin dövrdə dünyada 2.21 milyard dollar dəyərində rəqəmsal vəsait oğurlanıb. Şimali Koreyanın kibercinayətkarları, həmçinin Banqladeş Mərkəzi Bankından böyük məbləğdə vəsait oğurlamaqla da əlaqələndirilir. BMT ekspertlərinin ötən il apardıqları hesablamalara görə, Pxenyanın nüvə və ballistik raket proqramlarının 40%-ə qədəri “qanunsuz kiber vəsaitlər” hesabına maliyyələşdirilir.

Mənbə: Times

Bənzər xəbərlər

Tech-Biznes

Donadl Trump ABŞ-ın bitcoin əsaslı strateji kriptovalyuta ehtiyatının yaradılması sərəncamını verib

Həftənin sonuna doğru ABŞ prezidenti Donald Trump strateji kriptovalyuta ehtiyatının yaradılması haqqında vəd etdiyi fərmanı imzaladı. Bu ehtiyat bitcoin hesabına artırılacaq, ayrıca formalaşdırılan rəqəmsal aktiv ehtiyatı isə digər kriptovalyutalarla da tamamlanacaq.

Tech-Biznes

Donald Trump milli kriptovalyuta ehtiyatının yaradılmasını elan edib

Ötən həftə ABŞ prezidenti Donald Trump ölkənin yeni hökumətinin kriptovalyuta əməliyyatlarında iştirakı ilə bağlı strategiyasına aydınlıq gətirmişdi. Əvvəllər Trump yalnız dövlətin müəyyən həcmdə rəqəmsal aktivlər ehtiyatı saxlamasını dəstəkləyirdisə, indi o, bir neçə kriptovalyutanı əhatə edən tam hüquqlu bir ehtiyatın yaradılacağını elan edib.

Təhlükəsizlik

Bybit oğurlanmış vəsaitlərin qaytarılmasında yardım üçün 140 milyon dollar mükafat veriləcək

Keçən həftə hakerlər Sinqapurun Bybit kriptobirjasına hücum edərək 1.4 milyard dollardan çox dəyərə sahib rəqəmsal aktiv oğurlayıblar. İndi isə şirkət informasiya təhlükəsizliyi sahəsində çalışan mütəxəssisləri və şirkətləri oğurlanmış vəsaitlərin axtarışı və bərpası proqramına qoşulmağa çağırıb və bərpa olunan məbləğin 10%-ə qədərini mükafat kimi ödəməyi vəd edib.

Təhlükəsizlik

ByBit birjasından rekord həcmdə vəsaitin oğurlanmasında Şimali Koreyadan olan hakerlər günahlandırılıb

Tarixdəki ən böyük kriptovalyuta oğurluğunun arxasında Şimali Koreya ilə əlaqələndirilən Lazarus Group haker qruplaşması dayanır. Bu barədə blokçeyn kəşfiyyatı üzrə ixtisaslaşmış Arkham Intelligence şirkəti, kriptovalyuta sahəsində ZachXBT ləqəbi ilə tanınan anonim detektivə istinadən məlumat verib.

Təhlükəsizlik

ByBit kriptobirjasından 1.4 milyard dollar dəyərində ETH oğurlanıb

Kriptovalyuta birjası ByBit 1.46 milyard dollar məbləğində "şübhəli vəsait çıxışı" ilə qarşılaşıb. Bu barədə kriptovalyuta sahəsində ZachXBT ləqəbli tanınmış detektiv məlumat verib. O, daha əvvəl bazarda bir sıra fırıldaqçılıq sxemlərini uğurla ifşa edib.