Snapdragon 865 flaqman prosessoru iki versiyada təqdim olunacaq
Elm & Texnologiya
06.05.2019
Farid Pardashunas
Baxmyaraq ki, Qualcomm şirkətinin Snapdragon 865 adlı flaqman prosessorunun təqdimatına hələ çox var, onun barəsində məlumatlar çıxmağa davam edir. Bu barədə Gagadget saytı xəbər verib. Məşhur insayder Roland Quandt-ın verdiyi məlumata əsasən Qualcomm şirkəti Kona55 kod adına sahib prosessor üzərində çalışır. Əvvəlki məlumat sızıntılarında bu kod adının yanında 55 rəqəmi yox idi. Bu isə o deməkdir ki, çox güman ki, şirkətin yeni flaqman prosessoru iki versiyada təqdim olunacaq.
Onlardan biri şirkətin Snapdragon X55 adlı 5G modeminə sahib olacaq. Digəri isə 5G-siz istehsal ediləcək. Həmçinin son məlumat sızıntılarına əsasən Snapdragon 865 prosessoru yeni nəsil texnologiyaları, LPDDR5 formatlı RAM yaddaşını dəstəkləyəcək və daha yaxşılaşdırılmış performans sərgiləyəcək. Çox güman ki, Snapdragon 865 prosessoru hər ilin dekabr ayında ənənəvi olaraq keçirilən Qualcomm Tech Summit tədbirində təqdim olunacaq. Sözügedən prosessora sahib ilk smartfonlar isə artıq 2020-ci ildə işıq üzü görəcəklər.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ