Tesla şirkəti Full-Self Driving (FSD) adlı avtopilot sisteminin yeni beta versiyasını hazırlayır. Verilmiş məlumata əsasən avtopilotun yeni versiyası çərçivəsində süni zəka sistemi elektromobil üzərində idarəni tamamilə öz üzərinə götürə biləcək. Hal hazırda şirkət FSD-nin beta versiyası üçün iki yenilənmə üzərində çalışır. Onlardan biri v11.4 nömrəsinə sahibdir və o öz növbəsində çoxlu sayda vacib dəyişikliyi təqdim edəcək.

    FSD Beta üçün v12.0 nömrəsi altında təqdim ediləcək yenilənmə isə süni zəka imkanlarını genişləndirəcək. Belə ki, süni zəka əsasında çalışan sistem elektromobilin kameraları vasitəsilə daxil olan obrazları tanıya, elektromobilin hərəkət trayektoriyasını idarə edə və hərəkət sürətini tənzimləyə biləcək. Qeyd etmək lazımdır ki, daha öncə FSD çərçivəsində süni zəkanın iş prosesinə yalnız birinci əməliyyat daxil idi. FSD Beta v12.0-in nə zaman istifadəyə veriləcəyi bilinmir.