Bununla yanaşı şirkət bu servisin harda istifadəyə veriləcəyi, onun necə görünəcəyi barəsində məlumat da verib. İlk öncə məlum olub ki, bu servis 2020-ci ildə Los Anceles şəhərində istifadəyə veriləcək. Bir neçə müddət bundan öncə qeyd olunmuşdu ki, test uçuşları Dallasda və Dubayda keçiriləcək. Bundan əlavə olaraq “Uber” NASA ilə əməkdaşlıq bağlayıb. NASA ilə birlikdə şirkət hava hərəkətinin tənzimlənməsi üzrə tamamilə yeni sistemin yaradılması və onda pilotsuz uçuş aparatlarının iştirakı üzərində çalışacaq.

Bu nəqliyyat növünün necə çalışacağı haqqında təqdim olunmuş videoda qadın Uber tətbiqi vasitəsilə həmin uçuş aparatı üçün bilet alır və qonşu göydələnin damında yerləşən enmə meydançasına qalxır. Damda onu və digər sərnişinləri “Uber”in uçuş aparatı qarşılayır. Hələki bütün bunlar sadəlövhcəsinə və reklam xarakterli görünür. “Uber” bildirib ki, Los Anceles üzrə adi 1 saat yarımlıq səyahət bu nəqliyyat vasitəsilə 30 dəqiqə zaman aparacaq.

Bununla belə Uber Air-dən istifadə heç də baha olmayacaq. Əslində o, istifadəçinin öz avtomobilinə sahib olmasından qat-qat ucuz olacaq. Güman olunur ki, bu aerotaksi gün ərzində 10.000 uçuş reallaşdıracaq və hər bir uçuşun qiyməti 20$ civarında olacaq. Qeyd etmək laızmdır ki, “Uber”dən başqa pilotsuz uçan taksilər üzərində həmçinin “Boeing” və “Airbus” kimi böyük şirkətlər və kiçik startaplar da məşğul olurlar.