WikiLeaks: CIA öz viruslarını "Kaspersky Lab."n məhsulları vasitəsilə yayır

9 Noyabr tarixində WikiLeaks saytı tərəfindən təqdim olunmuş hesabatda qeyd olunub ki, CIA (Mərkəzi Kəşfiyyat Agentliyi) öz zərərli proqram təminatlarını elə maskalayır ki, onların mənbələri kimi var olan təşkilatlar iştirak edir. Əsasən bu siyahıda “Kaspersky Lab.”ın adı çəkilir. WikiLeaks-in verdiyi məlumata əsasən CIA öz proqram təminatlarının yayılması üçün Hive adlı alətdən istifadə edir.

Hive, zərərli proqram təminatları sayəsində oğurlanmış məlumatları CIA-yə ötürməyə və operatorlardan təlimatların qəbul olunmasına imkan verir. Bununla yanaşı əgər virus aşkar edilsə də, onun CIA ilə əlaqəli olduğunu sübut etmək qeyri-mümkündür. Bu məsələnin araşdırılması isə öz növbəsində ümumi serverdə qeydiyyatdan keçmiş diqqətə laiq olmayan domenlərə (perfectly-boring-looking-domain.com) gətirib çıxardır.

Buna bənzər saytlar elə qurulub ki, ilk baxışdan adi istifadəçi onda şübhəli heç bir şey görməyəcək. Lakin zərərli tətbiqlər xüsusi yoxlama alqoritmindən keçirlər. Bu yoxlama alqoritmi isə oğurlanmış məlumatların, CIA-nin “Blot” adlı gizli serverinə ötürülməsinə imkan verir. Bununla yanaşı Hive artıq var olan rəqəmsal sertifikatlar kimi maskalanan digər rəqəmsal sertifikatlardan istifadə edir. WikiLeaks əsasən 3 hal barədə məlumat verir hansılarda ki, “Kaspersky Lab.”ın 3 saxta sertifikatından istifadə edilmişdir.