Windows 7 haqqında 7 maraqlı fakt

Windows 7 haqqında 7 maraqlı fakt

Texnologiya
15.01.2020 PAYLAŞIM

    Dünən Microsoft şirkəti elan etdi ki, o artıq Windows 7 əməliyyat sisteminin istehlakçı versiyası üçün yenilənmələr təqdim etməyəcək. Bu isə sözügedən əməliyyat sisteminin dəstəyinin dayandırılması deməkdir. Bu əməliyyat sisteminə sahib kompüterlər çalışmağa davam edəcəklər. Lakin şirkət yenə də istifadəçilərə Windows 10-a keçid etməyi məsləhət görür. Məşhur əməliyyat sisteminin dəstəyinin dayandırılması münasibətilə Windows 7 barəsində 7 maraqlı faktı təqdim edirik.

- Windows 7-nin yaradılması üzərində 2500-ə yaxın şəxs çalışıb:


    Microsoft şirkəti Windows 7-ni hazırlamağa başlayan zaman onun səhv etməyə imkanı yox idi. Belə ki, həmin vaxtda Vista işıq üzü görmüşdü və bir çoxları tərəfindən tənqidə məruz qalmışdı. Çünki Vista bir çox buglara sahib idi və kompüter resurslarını yüksək səviyyədə istifadə edirdi. Windows 7 isə bu problemləri aradan qaldırmalı idi. Bunun üçün şirkət 2500 işçini işə cəlb etdi. Məlumata əsasən Windows 7-nin yaradılması üçün şirkət hər birində 100 nəfər olmaqla 25 işçi qrupu yaratmışdı. Həmin qruplara proqramçılar, testçilər və menecerlər daxil idilər. Hər bir qrup müəyyən iş ilə məşğul olurdu. Kimsə əməliyyat sisteminin nüvəsini optimizasiya edirdi, kimsə istifadəçi interfeysini.

- Hələ satışlara başlamamış Windows 7 Harry Potter seriyasından daha məşhur idi:

    Vista-dan sonra Microsoft yaranmış bütün problemləri aradan qaldıracağına söz vermişdi. İnsanlar isə buna inanmışdılar. Belə ki, Amazon-un İngiltərə üzrə şöbəsində Windows 7-ni Vista-nın bütün ön satışlarından daha çox ön sifariş etmişdilər. Lakin bu, yeganə nailiyyət deyil. Çünki Windows 7 əməliyyat sistemi Amazon UK-nin varolma dövrü ərzində ən çox ön sifariş olunan məhsul idi. Windows 7 hətta Harry Potter seriyasının son kitabını da geridə qoymuşdu.

- Windows 7 2009-cu ildə işıq üzü görüb. 11 il bundan öncə:

    Windows 7 22 oktyabr 2009-cu il tarixində işıq üzü görüb. Uğursuz olmuş Vista-dan bir neçə il sonra. Windows 7 təkmilləşdirilmiş Aero interfeysə, sensorlu ekranlar üçün multitouch-a, virtual sərt disk dəstəyinə sahib idi. Lakin ən əsası əməliyyat sistemi əvvəlki proqram təminatları və drayverlərlə uyğunlaşırdı.

- Birinci ildə Windows 7 saniyədə 7.6 kopya sürəti ilə satılırdı:

    Artıq ön sifarişlərin yüksəliş tempinə görə aydın idi ki, Windows 7 uğurlu olacaq. Lakin satışa çıxandan sonra o, bütün rekordları qırmağa başladı. Belə ki, birinci ildə əməliyyat sisteminin 240 milyon kopyası satılmışdı. Jurnalistlərin məlumatlarına əsasən bütün dünyada hər saniyə 7.6 kopya satılırdı. Müqayisə üçün qeyd etmək lazımdır ki, 260 milyon satılmış kopya nəticəsinə çatmaq üçün Windows 8-ə 3 il vaxt lazım oldu.

Windows 7 yalnız Windows 10-a məğlub oldu. O da bu il:

    Windows 8 özündən əvvəlki versiyas ilə eyni səviyyədə ola bilmədi. Ola bilər ki, bunun əsas səbəbi Windows 8-in sahib olduğu istifadəçi interfeysi idi. Windows 10 yalnız bu il Windows 7-ni geridə qoya bildi. Belə ki, məhz bu il Windows 10 əməliyyat sistemi bazarının 39%-ni əldə etdi. Windows 7-yə isə bu bazarın 36%-i qaldı.

- 200 milyona yaxın insan hələ də Windows 7-dən istifadə edir:

    Hal hazırda Windows 7 istehlakçı kompüterlər bazarının 12%-nə sahibdir. Bu isə 200 milyon kompüter istifadəçisi deməkdir. Biznes sektorda göstəricilər daha yüksəkdir. Keçən ilki məlumatlara əsasən biznes sektorda müəssisələrin demək olar yarısı Windows 7-ə üstünlük verir.

- Windows 7 seçimlərə və korporativ müştərilərə görə hələ uzun müddət istifadə olunacaq:

    Başqa sözlə desək, Windows 7-ni tamamilə unutmaq hələ tezdir. Bu əməliyyat sistemi istehlakçı kompüterlərindən yoxa çıxır. Lakin biznes sektorda o hələ də istifadə olunacaq. Birincisi Microsoft şirkəti söz verib ki, o, qarşıdan gələn prezident seçkilərində yardımçı ola biləcək əməliyyat sistemlərinin dəstəyini bu ilin noyabr ayına kimi uzadacaq. İkincisi isə şirkət korporativ müştərilərə 2023-cü ilə kimi xidmət göstərməyə davam edəcək.

Mənbə: 4pda.ru

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Acer yeni oyun notebook-larını təqdim etdi - Predator Helios ilə eynəksiz 3D oyu..

Acer 18 May tarixində baş tutan onlayn təqdimat mərasimində əsas oyun xətti olan Predator seriyasınd..


Apple şirkətinin qarışıq reallıq cihazı barəsində yeni məlumatlar verilib..

Hələ 2015-ci ildən internetdə Apple şirkətinin yeni məhsulu barəsində məlumatlar ortaya çıxır. ..


ABŞ-ın hərbi tibb işçiləri üçün süni zəka texnologiyalı AR cihaz hazırlanacaq..

ABŞ Müdafiə Nazirliyinin perspektivli tədqiqat layihələri üzrə idarəsi (DARPA) Raytheon BBN adlı şir..


Google Pixel 7 və 7 Pro smartfonlarını, Pixel Watch smart saatını və Pixel planş..

I/O 2022 konfransı çərçivəsində Google şirkəti Pixel 6a smartfonunu və naqilsiz Pixel Buds Pro qulaq..


Google xarici dili tərcümə edərək altyazı formatında istifadəçiyə ötürən yeni AR..

Google I/O 2022 konfransı artıq start götürüb və şirkət sözügedən konfrans çərçivəsində yeni innovat..


Daha bir dövrün sonu: Apple 7-ci nəsil iPod Touch-ın istehsalını dayandırdığını ..

Apple şirkəti iPod Touch playerinin istehsalını dayandırdığını elan edib. Beləliklə sözügedən player..

×