Xiaomi şirkətinin gələn ay təqdim etməsi gözlənilən növbəti flaqman modeli Mi 10 ilə bağlı bilinən bütün məlumatları bu məqalədə topladıq. Təqdimat tarixinin yaxınlaşması səbəbilə Çinin sosial şəbəkəsi Weibo-da artıq bəzi məlumatlar ortaya çıxmağa başladı. Şirkətin məhsul direktorunun yanlışlıqla paylaşdığı məlumatlar arasında cihazın parametrləri və satış qiyməti də internetə sızdırıldı.

        FHD+ keyfiyyətində olan 6.5 düymlük ekrana malik olan cihazda 90 Hz yenilənmə dəstəyi olacaq. Həmçinin cihazda Snapdragon 865 prosessoru, bu prosessora inteqrasiya edilmiş daxili 5G çipi və 4.500 mAh həcmində batareyanın olacağı bildirilib. Cihazın ən güclü modelində 12 GB Ram və 256 GB daxili yaddaş olsa da, qiymətinə görə 8 GB Ramlı və 128 GB yaddaşlı versiyalar da olacaq. Bu flaqmanın ən üstün cəhəti isə kamera tərəfində olacaq. Mi 10 modelində 108 MP-lik Sony IMX686 sensorlardan istifadə ediləcək. Həmçinin 20 MP-lik geniş bucaq kameraya, 12 MP Telefoto və 5 MP makro lensə malik oalcaq. 

        Mi 10 modelinin sızdırılan qiyməti isə Hindistanda 35.907 Rs (Təxmini 861 Azn) başlayacağını göstərir. Bu əlbəttə telefonun ən aşağı modelinin qiymətidir. Ən yüksək modelin qiyməti isə 1231 Azn-ə qədər ola bilər. Əlbəttə bu satış qiymətləri xüsusilə Hindistan üçün nəzərdə tutulub. Region və modelə görə qiymətlər daha müxtəlif olacaqdır.