İnternetdə məlumat ortaya çıxıb ki, Xiaomi şirkəti Galaxy Z Flip və Motorola RAZR formatında qatlana bilən smartfon modelini satışa çıxartmağa hazırlaşır. Bu barədə Zdnet saytı xəbər verib. Verilmiş məlumata əsasən Xiaomi şirkəti öz qatlana bilən smartfon modeli üçün OLED ekranların istehsalı məsələsində Samsung ilə razılığa gəlib.

    Həmçinin məlumatda qeyd edilib ki, Xiaomi OLED ekran məsələsində LG şirkətinə də müraciət edə bilər. Qeyd etmək lazımdır ki, hal hazırda bazarda bu cür ekranların istehsalı ilə həmçinin BOE və CSOT şirkətləri də məşğul olurlar. Lakin Xiaomi-nin fikrincə OLED ekran istehsalında Samsung və LG şirkətləri daha peşəkardırlar.

    Təəssüflər olsun ki, Xiaomi-nin qatlana bilən smartfonu barəsində məlumat yoxdur. Gözləntilərə əsasən bu, flaqman texniki özəlliklərə sahib premium smartfon modeli olacaq. Həmin smartfon Galaxy Z Flip və Motorola RAZR modelləri ilə rəqabət aparacaq. Smartfonun irimiqyaslı istehsalı bu ilin ikinci rübünə planlaşdırılıb. Bu isə o deməkdir ki, smartfon ya bu ilin sonunda ya da gələn ilin əvvəlində satışa çıxacaq.