Yeni Nokia planşetinin texniki göstəriciləri sızdırıldı
Elm & Texnologiya
07.05.2017
Farid
Bütün tənqidlərə baxmayaraq "HMD Global” şirkətinin təqdim etdiyi yeni Nokia 6 smartfonu Çində çox məşhurluq qazandı.
Artıq bir çoxları, gələn ayın sonunda MWC 2017 sərgisi zamanı təqdim olunacaq Snapdragon 835 prosessorlu və 6 GB RAM-lı Nokia 8 flaqmanını gözləyir. Bu il məşhur brendin adı altında 6-7 model smartfonun satışa çıxacağı gözlənilir. Onlardan biri 18.4 inç ekranlı planşet ola bilər. Həmin planşetin, GFXBench saytında texniki göstəriciləri sızdırılıb. Saytdakı məlumatlara əsasən planşet, 18.4 inç ekran, 8 nüvəli Snapdragon 835 prosessoru, Adreno 540 qrafik sürətləndiricisi, 4 GB RAM, 64 GB daxili yaddaş və 4K keyfiyyətində çəkiliş özəllikli 12 MP-lik ön və arxa kamera ilə təchiz olunacaq. Cihaz, Android 7.0 Nougat əməliyyat sistemi vasitəsilə çalışacaq. Planşetin qiyməti və satışa çıxma tarixi barəsində hələki heç bir məlumat yoxdur.
Paylaş
Bənzər xəbərlər
