Yüksək temperaturlu plazmanın uzun müddət ərzində saxlanması üzrə yeni rekorda imza atılıb
Elm & Texnologiya
27.01.2025
Emil
Çinin Experimental Advanced Superconducting Tokamak (EAST) adlı termonüvə reaktoru yeni rekorda imza atıb. Belə ki, Çin Elmlər Akademiyasının vermiş olduğu məlumata əsasən sözügedən termonüvə reaktoru 100 milyon dərəcə Selsi temperaturlu plazmanı 1006 saniyə ərzində stabil vəziyyətdə saxlaya bilib. Bu, daha əvvəl əldə edilmiş nəticələrdən 2 dəfə yüksəkdir. Qeyd etmək lazımdır ki, daha öncəki rekord da bu termonüvə reaktoru vasitəsilə 2023-cü ildə qırılmışdı. Həmin vaxtda reaktor plazmanı 403 saniyə ərzində stabil şəkildə saxlaya bilmişdi. 1000 saniyəlik sərhədin keçilməsi öz növbəsində termonüvə sintezi araşdırmalarında kritik faktor hesab edilir.
Yüksək temperaturlu plazmanın bu qədər uzun müddət ərzində stabil şəkildə saxlanması termonüvə reaktorların praktik istifadəsi imkanının təsdiqlənməsi üçün vacib göstəricidir. “Termonüvə sintezi reaksiyalarının özlərini dəstəkləmələri üçün onlar 1000 saniyəlik göstəriciyə çatmalıdırlar. Bu yeni rekord təcrübi qurğu çərçivəsində termonüvə reaktorlarının çalışmaları üçün lazım olan şərtlərin formalaşdırılması üzrə ilk haldır” - deyə mütəxəssislərdən biri qeyd edib. Qeyd etmək lazımdır ki, termonüvə sintezi sahəsində aparılan araşdırmaların əsas məqsədi “sonsuz” enerji mənbəyinin əldə edilməsidir. Bu cür enerji mənbəyi dünyanın enerji ilə bağlı bütün tələblərini qarşılaya bilər.
Paylaş
Bənzər xəbərlər
Elm & Texnologiya
Yaponiya məhdudiyyətsiz nüvə sintezi enerjisi üçün FAST layihəsini başladıb!
Yaponiya 2030-cu illərin sonuna qədər nüvə sintezi əsasında enerji əldə etmək məqsədilə FAST layihəsini işə salıb. Bu layihə, kommersiya sintez stansiyalarına gedən yolda texniki problemlərin həllinə yönəlib.
Elm & Texnologiya
Bir tələbə, ev şəraitində 2 min dollara termonüvə reaktoru hazırlaya bilib!
Termonüvə enerjisi istehsalı sahəsi, adətən böyük büdcələr və laboratoriyalar tələb edir. Lakin Nazoordeen adlı bir riyaziyyat tələbəsi, yalnız 2 min dollarlıq büdcə və 4 həftəsini sərf edərək öz yataq otağında kiçik bir termonüvə reaktoru hazırlaya bilib.
Elm & Texnologiya
Dünyanın ilk davamlı işləyən termonüvə reaktoru hazırlanır!
Yaponiyada yerləşən enerji startapı Helical Fusion, dünyanın ilk davamlı olaraq çalışan nüvə sintezi reaktorunu 2034-cü ildə işə salmağı hədəfləyir.
Elm & Texnologiya
Məktəb mühitində ilk dəfə nüvə sintezi reaktoru hazırlanıb!
17 yaşlı bir tələbə, Genişləndirilmiş Layihə Kvalifikasiyası (EPQ) çərçivəsində məktəbdə hazırladığı kiçik nüvə sintezi reaktoru ilə plazma istehsal etməyi bacarıb.
Elm & Texnologiya
Termonüvə enerjisində tarixi uğur əldə edilərək, Greenwald limitinin 10 qatına çatmaq mümkün olub!
Bütün dünya termonüvə enerjisinin qapısını açmağa və qeyri-məhdud enerjiyə çatmağa çalışır. Bu saəhədə araşdırmalar aparan elm adamları, Greenwald limitinin 10 qatına çatan yüksək sıxlıqlı stabil plazma istehsal edə biliblər
Ən çox oxunanlar
Splus.az - Azərbaycanın Əmlak Bazarında Yeni Bir Nəfəs!
