Yupiterin peyki Avropanın səthaltı okeanının müşahidəsi missiyasına yaxın zamanda start veriləcək

     NASA yaxın həftələr ərzində Yupiterin peyklərindən biri olan Avropanın müşahidəsi üçün nəzərdə tutulmuş Europa Clipper adlı missiyaya start verəcək. Son araşdırmalara əsasən adı çəkilmiş bu peykin səthinin alt hissəsində nəhəng okean mövcuddur. Həmin okeanda isə bioloji həyat növünün mövcudluğu istisna deyil. Europa Clipper missiyası öz növbəsində Avropanın səthaltı okeanının incələnməsinə və orda potensial bioloji həyat növünün olub-olmamasının təyininə istiqamətlənib. Europa Clipper, NASA tərəfindən planetlərin incələnməsi üçün hazırlanmış ən böyük kosmik aparat olacaq. 6000 kq çəkiyə sahib bu aparatın ölçüsü günəş panelləri ilə birlikdə basketbol meydançasının ölçüsünə bərabərdir.

     Europa Clipper missiyasının əsas hədəfi Avropa peykinin səthinin və səthaltı okeanının incələnməsidir. Sözügedən kosmik aparat 9 ədəd elmi təchizatı özündə birləşdirir. Onların arasında kameralar, spektrometrlər və termal görüntü təchizatları var. Bütün bunlar peykin səthinin geoloji aktivliyinin, kimyəvi tərkibinin və temperaturunun müşahidə edilməsinə imkan verəcəklər. Əsas diqqət isə potensial bioloji həyat növünün mövcud ola biləcəyi mümkün sahələrin axtarışı olacaq. Belə ki, Avropa peykinin səthaltı böyük okeana sahib olduğu düşünülür. Bu missiya həmçinin həmin okeanın nə dərəcədə dərin olduğunu və hansı səviyyədə duzluluğa sahib olduğunu təyin edəcək. Gözləntilərə əsasən aparat Yupiterin peykinə missiyaya start veriləndən 5 il sonra çatacaq.

Bənzər xəbərlər

Elm & Texnologiya

SpaceX ilk dəfə bir raketi havada yaxalayaraq adını tarixə yazdırıb! (VİDEO)

Kosmik texnologiyalar sektorunda Elon Musk fırtınası əsməyə davam edir. Mechazilla adlanan 2 mexaniki qol, Yerə geri dönən 1200 tonluq gücləndirici raketi havada tutmağı bacarıb.

Digər

Nəhəng Milton qasırğası kosmosdan görüntülənib!

5-ci kateqoriyaya aid olan Milton qasırğası kosmosdan görüntülənib. Qasırğa bütün Meksika körfəzini əhatə edib.

Elm & Texnologiya

Marsda həyat izlərinə dair yeni məlumatlar kəşf edilib!

Mars hazırda həyat üçün əlverişsiz bir yer olsa da, yeni araşdırmalar Qırmızı Planetin bu gün gördüyümüz səhralıq və cansız bir məkana necə çevrildiyini aydınlaşdırır.

Elm & Texnologiya

Mars həyat üçün münbit şəraitini necə itirib?

Alimlərin Marsda mümkün həyat növü barəsində təsəvvürləri bu planetin müşahidə dövrü ərzində dəfələrlə dəyişib. İlk zamanlarda Mars həyat üçün münbit şəraitə sahib olmayan səhralıq hesab edilirdi.

Elm & Texnologiya

“3 Bədən Problemi” reallığa çevrilir: Kosmosda 3 ulduzlu sistem kəşf edilib!

Netflix-in "3 Bədən Problemi" serialındakı sistem kimi 3 ulduzdan ibarət bir sistem kəşf edilib. NASA-nın məlumatına görə, ulduzların təxminən milyonlarla il sonra birləşərək partlayacağı gözlənilir.