“Cannes Lions Beynəlxalq Yaradıcılıq Festivalı”ndan yayımlar Azercellin eksklüziv tərəfdaşlığı ilə təqdim olunur.

Festivalın son günü də motivasiya, təcrübə, əyləncə və təbii ki, mükafatlarla bol idi. Son mükafatlandırma mərasimində Film, Glass: The Lion for Change, Sustainable Development Goals, The Grand Prix for Good və The Dan Wieden Titanium Lions üzrə qaliblərin sevincinə şahid olduq. Gəlin onlarla yaxından tanış olaq.

1887 “entry” və 53 “Şir” təqdim olundu:
9 qızıl, 16 gümüş, 26 bürünc.

Bu kateqoriyada jüri iki qran-pri təqdim etdi.
Birinci qran-pri Marcel tərəfindən Orange üçün hazırlanan “WoMen’s Football” kampaniyasına təqdim olundu.
İkinci qran-pri isə Sidney Opera Teatrının “Play It Safe” videosuna verildi. Layihə The Monkeys | Accenture Song agentliyi tərəfindən hazırlanmışdı.

165 “entry” və 7 “Şir” təqdim olundu:
1 qızıl, 2 gümüş, 3 bürünc.

Qran-pri Vaseline markasının “Transition Body Lotion” layihəsinə təqdim edildi. Layihənin müəllifi Ogilvy agentliyidir.

593 “entry” arasından 20 “Şir” təqdim olundu:
4 qızıl, 5 gümüş, 10 bürünc.

Qran-pri Publicis Conseil agentliyinin Renault üçün hazırladığı “Cars to Work” layihəsinə təqdim edildi.

200 “entry” daxil olmuşdu və nəticədə 4 Titanium Lions mükafatı təqdim edildi.
Qran-pri isə Wieden+Kennedy agentliyinin DoorDash üçün hazırladığı “DoorDash-All-The-Ads” kampaniyasına verildi.

Bu kateqoriyada yalnız bir böyük mükafat təqdim olundu.
Qalib Innocean kreativ agentliyi oldu. Onlar Reporters Without Borders üçün hazırladıqları silsilə filmlərlə bu mükafatı qazandılar.