Apple 2 trilyonluq bazar dəyərinə çatmış ilk ABŞ şirkət oldu

    2018-ci ilin avqust ayında Apple şirkətinin bazar dəyəri 1 trilyon dollar təşkil etmişdi. Dünən isə şirkətin bazar dəyəri NASDAQ birjasında 2 trilyon dollar təşkil edib. ABŞ-ın ictimai şirkətləri sırasında bu cür göstəricini əldə etmiş ilk şirkət məhz Apple oldu. Bu barədə Vc.ru saytı xəbər verib. Dünən şirkətin səhmlərinin qiyməti 1.14% yüksələrək 467.51$ təşkil edib.

    CNBC-nin verdiyi məlumata əsasən bu ilin əvvəlindən şirkətin səhmləri 59.24% bahalaşıb. Keçən ilin iyun ayında şirkətin bazar dəyəri 1.5 trilyon dollara çatmışdı. Qeyd etmək lazımdır ki, 1 trilyon dollarlıq bazar dəyəri göstəricisini həmçinin Amazon, Microsoft və Alphabet şirkətləri də əldə ediblər. Məlumata əsasən Apple şirkətinin səhmlərinin bahalaşması onun məhsullarına olan stabil tələbat ilə bağlıdır.