Android 14 aktiv Taskbar bölməsini əldə edəcək

    Hal hazırda Android 13-də Taskbar-ı bir sürüşdürmə hərəkəti vasitəsilə bir neçə saniyəlik aktivləşdirmək olar. Lakin verilmiş yeni məlumata əsasən Android 14-ün kodunda Taskbar-ın davranışını dəyişəcək  yeni funksiya aşkar edilib. Aşkar edilmiş yeni funksiya Android 14-də Taskbar-ı Samsung-un OneUI istifadəçi interfeysindəki Taskbar-a bənzədəcək. Qeyd etmək lazımdır ki, Taskbar işə salınmış tətbiqlərə sürətli şəkildə keçid etmək, multitasking rejimindən istifadə etmək və ekranın iki hissəyə bölünməsi üçün lazımdır.

    Hal hazırda Android 13-də Taskbar aktivləşdiriləndən bir neçə saniyə sonra yoxa çıxır. Yeni məlumata əsasən isə Android 14-ün test versiyasında ENABLE_TASKBAR_PINNING adlı yeni özəllik aşkar edilib. Çox güman ki, bu özəllik Taskbar-ın ana ekranda bərkidilməsi üçün nəzərdə tutulub. Qeyd etmək lazımdır ki, buna bənzər funksiya Android-in planşetlər üçün nəzərdə tutulmuş Android 12L adlı versiyasında istifadəyə verilmişdi. Gözləntilərə əsasən Android 14-də Taskbar-ın yeni özəlliyi Android 12L-dəki kimi çalışacaq. Yəni istifadəçi Taskbar-ın boş sahəsinə klikləyib saxlamaqla onun ana ekranda bərkidilməsi düyməsini aktivləşdirə biləcək.