Google şirkəti Android 14 üçün süni zəka modelini təqdim edib. Təqdim edilmiş süni zəka modeli istifadəçinin öncəki mesajları əsasında mətnlər tərtib edə biləcək. Magic Compose Android-in standart Message tətbiqi üçün nəzərdə tutulmuş yeni funksiyadır. Bu funksiya qəbul edilmiş mesajlara neyron şəbəkəsi vasitəsilə tərtib edilmiş cavabların göndərilməsini mümkün edir. Sözügedən funksiya Grammarly servisinin imkanlarından istifadə edərək mesaja cavab mətnini daha professional vəziyyətdə hazırlaya bilər. Google bildirib ki, bu funksiyanın beta testinə yayda start veriləcək.