Android 14-ün stabil versiyası müəyyən müddətlik təxirə salınıb

    Google artıq neçə aydır ki, Android 14-ü test edir. Yeni əməliyyat sisteminin stabil versiyasının bu ayın əvvəlində istifadəyə veriləcəyi gözlənilirdi. Görünür, şirkət Android 14-ün stabil versiyasını müəyyən müddətlik təxirə salıb. İnsayderlərin vermiş olduqları yeni məlumata əsasən şirkət Android 14-ün stabil versiyasını Pixel 8 smartfon seriyasının təqdimatı zamanı istifadəyə verəcək. Qeyd etmək lazımdır ki, sözügedən smartfon seriyasının təqdimatı 4 oktyabr tarixində baş tutacaq.