Android-in uzunmüddətli dəstəyi: Google şirkəti Qualcomm ilə əməkdaşlıq müqaviləsi bağlayıb
Proqram Təminatı
Əməliyyat sistemləri
17.12.2020
Emil Nəcəfov
Android vasitəsilə çalışan smartfonların dəstək müddətini uzatmaq üçün Google şirkəti Qualcomm ilə əməkdaşlıq müqaviləsi bağlayıb. Bu barədə Androidpolice saytı xəbər verib. Beləliklə bundan sonra yeni Snapdragon prosessorunu əldə edəcək smartfonlar Android-in 4 versiyasını və 4 il ərzində təhlükəsizlik yenilənmələrini əldə edəcəklər. İki şirkət arasında bağlanmış əməkdaşlıq müqaviləsi hələki Snapdragon 888 prosessorunu əhatə edir.
Bu isə o deməkdir ki, gələn il bu prosessora və Android 11-ə sahib olacaq flaqman smartfonlar növbəti illərdə Android 12-ni, Android 13-ü və Android 14-ü əldə edəcəklər. Müqayisə üçün qeyd etmək lazımdır ki, Snapdragon 865 prosessoruna sahib olan smartfonlar yalnız Android 12 ilə Android 13-ü əldə edəcəklər. Növbəti mərhələdə 4 illik dəstək müddəti həmçinin daha ucuz smartfonlarda reallaşdırılacaq.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!