Samsung şirkəti Android 14 əsaslı OneUI 6.0 istifadəçi interfeysinin testlərini aparmağa davam edir. Şirkət OneUI 6.0-ın bir neçə beta versiyasını artıq Galaxy S23 smartfonları üçün istifadəyə verib. İndi isə məlum olub ki, OneUI 6.0-ın beta versiyasını həmçinin Galaxy S21 smartfonları əldə ediblər. Yeni istifadəçi interfeysinin ilk beta versiyasından Galaxy S21 smartfonlarının hələ ki, yalnız Cənubi Koreyadaki istifadəçiləri yararlana bilərlər. Lakin yaxın zamanda beta versiya Galaxy S21 smartfonlarının digər regionlardakı istifadəçiləri üçün də aktivləşdiriləcək.