Google Fuchsia OS adlı yeni əməliyyat sistemini istifadəyə verib

Google Fuchsia OS adlı yeni əməliyyat sistemini istifadəyə verib

Əməliyyat sistemləri
26.05.2021 PAYLAŞIM

    Uzun illər ərzində olmuş gözləntilərdən sonra Google şirkəti sonunda Fuchsia OS adlı yeni əməliyyat sistemini istifadəyə verib. İstifadəçilər sözügedən əməliyyat sistemini əldə etməyə başlayıblar. Lakin qeyd etmək lazımdır ki, söhbət, Android-i əvəz edəcək əməliyyat sistemindən getmir. Fuchsia OS barəsində ilk məlumatlar hələ 2016-cı ildə ortaya çıxmışdı. Həmin vaxtda əməliyyat sisteminin kodu GitHub-da aşkar edilmişdi. 5 il ərzində müxtəlif sayda məlumatlar yayılırdı ki, bu əməliyyat sistemi Android ilə Chrome OS-in universal davamçısı olacaq. Reallıq isə tamamilə fərqli oldu. Sıfırdan hazırlanmış bu əməliyyat sistemi OTA yenilənmə şəklində artıq Google Nest Hub adlı birinci nəsil smart ekranlar üçün istifadəyə verilib.


    Sözügedən yeni əməliyyat sistemi həmin smart ekranlarda Cast OS-i əvəz edir. Fuchsia OS hələ ki, məhdud sayda istifadəçi üçün istifadəyə verilib və yaxın zamanda daha çox istifadəçi onu əldə edəcək. Məlumatda qeyd edilib ki, Nest Hub istifadəçiləri əməliyyat sisteminin dəyişməsi halında elə də ciddi dəyişikliklər hiss etməyəcəklər. Belə ki, istifadəçi interfeysi ilə dəstəklənən funksiyalar eyni olaraq qalıblar. Çox güman ki, yeni əməliyyat sisteminin gələcəkdəki yenilənmələri vasitəsilə təqdim olunacaq funksiyalar ciddi fərqi hiss etməkdə yardımçı olacaqlar. Fuchsia OS-in daha hansı cihazlarda istifadəyə veriləcəyi bilinmir. Hələ 2019-cu ildə Google təmsilçisi bildirmişdi ki, onlar Fuchsia OS-i mobil telefonlarda, kompüterlərdə və IoT cihazlarda (Internet of Things) istifadə etməyi nəzərdən keçirdirlər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Nvidia şirkəti Windows 7, 8 və 8.1 üçün qrafik drayverlərin dəstəyini dayandıra..

Nvidia şirkəti Windows 7, 8 və 8.1 əməliyyat sistemləri ilə uyğunlaşan son videokart drayverlərinin ..


Microsoft yeni videosunda növbəti Windows-un adına işarə edib (VİDEO)

24 iyun tarixində baş tutacaq yeni Windows versiyasının təqdimatına az müddət qalmış Microsoft şirkə..


İnsayderlər: Windows 11 Android tətbiqləri işə sala biləcək

24 iyun tarixində Microsoft şirkəti Windows ilə bağlı böyük təqdimat tədbiri keçirdəcək...


Apple şirkəti iOS 15-ə keçid etmək istəməyən istifadəçiləri dəstəkləməyə davam e..

Yenicə təqdim olunmuş iOS 15-in stabil versiyası hələ payız fəslində istifadəyə veriləcək...


iOS 15 və macOS Monterey-i əldə edəcək cihazların rəsmi siyahısı təqdim olunub..

Apple şirkəti dünən tərtibatçılar üçün nəzərdə tutulmuş WWDC 2021 konfransına start vermişdi...


macOS-in Monterey adlı yeni versiyası təqdim olunub

Apple şirkəti WWDC 2021 konfransı çərçivəsində iOS 15-dən başqa həmçinin macOS desktop əməliyyat sis..

×