iOS 17-nin ilk ictimai beta versiyası istifadəyə verilib

    Apple şirkəti iOS 17-nin ilk ictimai beta versiyasını istifadəyə verib. Bu əməliyyat sisteminin tələblərinə uyğun olan iPhone modellərinin istifadəçiləri artıq iOS 17-ni test edə bilərlər. iOS 17-nin ilk ictimai beta versiyasını test etmək istəyənlərə ilk növbədə məlumatların iTunes və ya iCloud üzərindən ehtiyat kopyalarının yaradılması məsləhət görülür. Belə ki, iOS 17-nin beta versiyası stabil çalışmaya bilər. Bu isə öz növbəsində məlumatların itirilməsinə səbəb olacaq. Məlumatların ehtiyat kopyalarının yaradılmasından sonra istifadəçi 3 addımı atmalı olacaq. Həmin addımlar aşağıdakılardır.

- Apple şirkətinin beta test proqramı üçün olan saytında qeydiyyatdan keçmək

- Settings -> General -> Software Update girişini reallaşdırıb Beta Updates bölməsinə keçid etmək

- Keçid edilmiş bölmədə iOS 17 Public Beta-nı seçib smartfonu yenidən işə salmaq və ayarların həmin hissəsində yenilənməni yükləmək.

Əməliyyat sisteminin daha öncəki stabil versiyasına geri dönmək üçün isə yüklənmiş beta test profilini sadəcə olaraq silmək lazım gələcək.