iOS 17-nin stabil versiyası ilə yanaşı Apple şirkəti həmçinin iPadOS 17 əməliyyat sisteminin də stabil versiyasını istifadəyə verib. iPadOS-in yeni versiyası interaktiv vidjetlər özəlliyini əldə edib. İnteraktiv vidjetlər bir toxunuşla müəyyən əməliyyatları yerinə yetirməyə imkan verirlər. Məsələn istifadəçi interaktiv vidjetlərdən biri sayəsində planşetdə musiqini işə sala bilər. Üstəlik interaktiv vidjetlər həmçinin bloklanma ekranında da aktivdirlər. iPadOS 17 çərçivəsində həmçinin bloklanma ekranını müxtəlif cür fərdiləşdirmək mümkündür. Bundan əlavə olaraq yeni əməliyyat sisteminə PDF faylların dəstəyi və bir sıra yeni funksiya əlavə edilib.