Son illərdə Apple şirkəti hər yeni macOS əməliyyat sisteminin stabil versiyasını payız fəslinin sonunda istifadəyə verir. Görünür, şirkətin yeni macOS versiyası olan macOS Sonoma daha tez istifadəıyə verilə bilər. İstifadəçilər aşkar ediblər ki, macOS Sonoma-nın 7-ci beta versiyasının nömrəsinin sonunda a hərfi mövcuddur. Keçən ilki macOS Ventura əməliyyat sisteminin 7-ci beta versiyasının nömrəsinin sonunda isə f hərfi mövcud idi. Adətən əməliyyat sistemlərinin beta versiyalarının nömrələrinin sonu əlifba sırasının ilk hərfləri bitirsə, bu, əməliyyat sisteminin beta test mərhələsinin bitməsinə az qaldığına işarə edir. Buna görə də güman etmək olar ki, macOS Sonoma-nın stabil versiyası bu ayın sonunda iOS 17 və iPadOS 17-nin stabil versiyaları ilə birlikdə istifadəyə veriləcək.