Microsoft köhnə kompüterlərdə Windows 11-in funksionallığını məhdudlaşdıracaq

Microsoft köhnə kompüterlərdə Windows 11-in funksionallığını məhdudlaşdıracaq

Əməliyyat sistemləri
30.08.2021 PAYLAŞIM

    Bir neçə gün bundan öncə Microsoft şirkəti elan etmişdi ki, Windows 11-i hətta köhnə kompüterlərə də quraşdırmaq mümkün olacaq. Lakin məlum olub ki, köhnə kompüterlərin istifadəçiləri bəzi məhdudiyyətlər ilə qarşılaşacaqlar. Belə ki, Microsoft şirkəti köhnə kompüterlər üçün Windows 11-in funksionallığını məhdudlaşdıracaq. The Verge saytı Microsoft təmsilçilərinə istinadən xəbər verib ki, yeni əməliyyat sisteminin köhnə kompüterlərə quraşdırılması zamanı istifadəçilər drayverlərin avtomatik yüklənmələri də daxil olmaqla sistem yenilənməsi funksiyasından məhrum olacaqlar.

    Bununla yanaşı Microsoft köhnə kompüterlərdə Windows 11-in problemsiz çalışmasına zəmanət vermir. Windows 11-in kompüterə quraşdırılması üçün o, minimum 4 GB RAM və 64 GB  daxili yaddaş ilə təchiz olunmalıdır. Bununla yanaşı kompüter TPM 2.0 adlı kriptoqrafik təhlükəsizlik çipinə sahib olmalı və Secure Boot funksiyasını dəstəkləməlidir. Bundan əlavə olaraq kompüterin prosessoru da Windows 11-i dəstəkləyən prosessorlar siyahısına daxil olmalıdır. Əgər istifadəçinin kompüteri bu tələblərə cavab vermirsə, o, Windows 11-in ISO formatını yükləməli və quraşdırmanı fərdi şəkildə reallaşdırmalıdır. 


Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Microsoft dəstəklənməyən kompüterlərdə Windows 11-in quraşdırılma təlimatını təq..

Microsoft şirkəti dəfələrlə öz əməliyyat sisteminin müxtəlif təkmilləşdirilmiş versiyalarına qarşı ç..


Windows 11 AMD prosessorlarının performanslarını aşağı salır

AMD şirkəti rəsmi şəkildə təsdiqləyib ki, onun prosessorlarının performansları Windows 11 əməliyyat ..


Windows 11 rəsmi şəkildə istifadəyə verilib

Windows 11 əməliyyat sisteminin stabil versiyası rəsmi şəkildə istifadəyə verilib.


Aparılmış tədqiqata əsasən kompüterlərin çoxu Windows 11-ə keçidə hazır deyil..

Microsoft ilk əvvəldən potensial Windows 11 istifadəçilərinin kompüterləri üçün yüksək tələblər təyi..


İstifadəçilər iOS 15-də artıq ilk sistem xətası ilə qarşılaşıblar

Öz iPhone və iPad modellərinə yeni iOS 15 və iPadOS 15 əməliyyat sistemlərini quraşdırmış istifadəçi..


MIUI 13-ü ilk əldə edəcək smartfonların siyahısı ortaya çıxıb

Bu ilin sonunda Xiaomi-nin yeni MIUI 13 istifadəçi interfeysini təqdim edəcəyi gözlənilir.

×