Niderlandın Təhsil, Mədəniyyət və Elm Nazirliyi Chrome brauzerinin və ChromeOS əməliyyat sisteminin istifadəsində bəzi məhdudiyyətlərin tətbiqini qərara alıb. Belə ki, ölkənin təhsil müəssisələri Google şirkətinin bu iki məhsulunu standart ayarlarda istifadə edə bilməyəcəklər. Nazirlik təhsil müəssisələrində təhsil alan şəxslərin konfidensial məlumatlarınn sızdırılmasından narahatdır. Bu mövcu ilə bağlı olan məktub Niderlandın parlamentinə göndərilib. Nazirliyin sözlərinə əsasən Google servisləri tələbələrin və şagirdlərin məlumatlarını yığaraq onları böyük reklam şəbəkələrinə ötürürlər. Həmin reklam şəbəkələri isə yığılmış konfidensial məlumatları təkcə təhsil sahəsində istifadə etmirlər.

    Beləliklə ölkənin milli nizamlayıcı orqanı tələbələrin və şagirdlərin yığılan məlumatlarının harda saxlanıldığı və necə emal edildiyi barəsində məlumata sahib olmadığı üçün o, Avropa Birliyinin məlumatların qorunması üzrə reqlamentinin pozulmasından narahatdır. Nizamlayıcı orqanın sözlərinə əsasən bir neçə müddət bundan öncə Google şirkəti Chrome brauzerinin və ChromeOS əməliyyat sisteminin məlumatların təhlükəsizlikləri ilə bağlı tələblərə cavab verən versiyalarını gələn ilə kimi təqdim edəcəyinə söz vermişdi. Həmin vaxta kimi Niderlandın təhsil müəssisələrində Google şirkətinin bu məhsulları məhdudlaşdırılmış rejimdə çalışacaqlar. İstisna olaraq nazirlik tərəfindən daha öncə təqdim edilmiş tövsiyyələri yerinə yetirən təşkilatlar çıxış edəcəklər.