İnsayderlərin verdikləri məlumata əsasən Samsung şirkəti bir neçə flaqman smartfonunda Android 14-ün şirkət daxili testlərinə start verib. Keçən il buna bənzər xəbərlər iyun ayının sonunda ortaya çıxmışdı. Samsung-un artıq indidən öz cihazlarında Android 14-ü test etməsi şirkətin onu istifadəçilərə daha tez təqdim etmək istəməsinə işarə edir. Google Android 14-ün stabil versiyasını hələ istifadəyə verməyib.

    Lakin insayderlər bildiriblər ki, Samsung hələ təqdim edilməmiş OneUI 6.0 istifadəçi interfeysinə sahib sözügedən əməliyyat sistemini artıq Galaxy S23, Galaxy Z Fold 4 və Galaxy Z Flip 4 smartfonlarında test edir. Android 14 əsasında çalışacaq OneUI 6.0 istifadəçi interfeysində hansı dəyişikliklərin olacaqları barəsində ətraflı məlumat verilməsə də insayderlər qeyd ediblər ki, yeni istifadəçi interfeysində arxa fon tətbiqlərinin deaktiv edilməsi problemi aradan qaldırılıb. Beləliklə OneUI 6.0-dan başlayaraq Android 14-ün aktiv servisləri lazımi səviyyədə çalışa biləcəklər. Bəzi məlumatlara əsasən Samsung OneUI 6.0-ın beta testinə iyul və ya avqust ayında start verəcək.