Samsung Galaxy A52 smartfonu üçün Android 13-ün stabil versiyası istifadəyə verilib

    Samsung şirkəti Android 13-ün stabil versiyasını Galaxy A seriyasının növbəti modeli üçün istifadəyə verib. Söhbət, Galaxy A52 smartfonundan gedir. Sözügedən smartfonun bəzi istifadəçiləri Android 13-ün stabil versiyasını artıq əldə ediblər və yaxın zamanda o hamı üçün aktiv olacaq. Qeyd etmək lazımdır ki, Android 13 ilə yanaşı Galaxy A52 smartfonu həmçinin yeni OneUI 5.0 istifadəçi interfeysini də əldə edib. Bu smartfon Android 13-ü Google şirkətinin noyabr ayı üzrə təhlükəsizlik yenilənməsi ilə birlikdə əldə edib.