Samsung-un hansı smartfonu ilk olaraq qutudan OneUI 6 interfeysli Android 14-ü əldə edəcək?

    Samsung smartfonlarındakı proqram təminatı dəstəyinin yaxşı olmasına baxmayaraq şirkət yeni smartfonlarını yeni əməliyyat sistemi ilə nadir hallarda təqdim edir. Məsələn Galaxy S21 FE smartfonu şirkətin Android 12-ni əldə etmiş ilk modeli olmuşdu. İndi bu vəziyyət yenidən təkrarlana bilər. Gələn ayın sonunda şirkət öz yeni məhsullarını təqdim etməlidir. Təqdim ediləcək məhsullar arasında qatlana bilən Galaxy Z Fold 5 və Z Flip 5 smartfonları olacaq. Lakin sözügedən smartfonlar OneUI 6.0-ın stabil versiyasını həmin vaxtda əldə etməyəcəklər.

    Belə ki, gələn ayın sonunda Samsung öz istifadəçi interfeysinin yalnız ilk beta testini təqdim edəcək. İnsayderlərin verdikləri məlumata əsasən OneUI 6.0-ın stabil versiyasına sahib Android 14-ü ilk əldə edəcək smartfon məhz Galaxy S23 FE olacaq. Yəni bu smartfon artıq qutudan OneUI 6.0 interfeysli Android 14 vasitəsilə çalışacaq. Bunun nə dərəcədə doğru olub-olmadığı bilinmir. Belə ki, Galaxy S23 FE-nin nə zaman təqdim olunacağı və ya ümumiyyətlə təqdim olunub-olunmayacağı tam olaraq aydın deyil.