Google Chrome-da hakerlər tərəfindən istifadə edilən 9 ədəd boşluq aşkar edilib. Bildirilib ki, “V8 mühərrikində Tip Qarışıqlığı” adlı boşluq, ixtiyari kodların icrasına imkan verir. Lakin Chrome 125 versiyası ilə bu problem aradan qaldırılıb. Google, təkcə may ayında 3 ədəd zero-day boşluğu aşkar edib. Əvvəllər CVE-2024-4671 və CVE-2024-4761 kimi izlənilən xətaları düzəldən şirkət, indi CVE-2024-4947 problemini həll edib. ABŞ Kibertəhlükəsizlik və İnfrastruktur Təhlükəsizliyi Agentliyi (CISA) bu kontekstdə istifadəçilərə Chrome 125-i quraşdırmağı tövsiyə edir.

     ABŞ-ın dövlət qurumlarına Chrome yeniləməsini tətbiq etmək üçün iyunun 10-dək vaxt verilib. Bununla belə, mütəxəssislər istifadəçilərə tez hərəkət etməyi tövsiyə edir. Siz Chrome menyusundan yeniləməni yoxlaya və ya yeniləmənin avtomatik quraşdırılmasını gözləyə bilərsiniz.