Acer Swift Go 14 AI noutbuku unikal “Snapdragon® X Plus 8” nüvəli prosessor ilə təchiz olunub və bu prosessor, 45 TOPS-a qədər AI performansı təmin edir. Bu noutbuk daha uzun batareya ömrü və yüksək cavab sürəti ilə fərqlənir. Cihaz, 16 GB LPDDR5x yaddaş və 2 TB NVMe PCIe Gen 4 SSD ilə təchiz olunmuşdur ki, bu da sürətli çoxfunksiyalı əməliyyatlar və geniş yaddaş imkanı təqdim edir. “Snapdragon X Plus” platforması ilə təchiz edilmiş “Swift Go 14 AI”, 28 saatlıq video oynatma batareya ömrü ilə intensiv iş yükü zamanı belə rahat və səmərəli işləyir.

     Əyləncə məqsədləri üçün “Swift Go 14 AI”, 14.5 düymlük WQXGA (2560X1600) IPS ekranı, 120 Hz yeniləmə sürəti və 100% sRGB rəng qamutu dəstəyi ilə heyrətamiz vizual təcrübə təmin edir. Ekran həm də 50% mavi işıq azaldılması və mavi işıq zəhərliliyinin 20%-dən çox azalması ilə təsdiq edilmişdir. İstifadəçilər həmçinin DTS:X Ultra səs texnologiyası ilə zənginləşdirilmiş iki dinamikin təqdim etdiyi səs keyfiyyətini də bəyənəcəklər. Onlayn əlaqələrin dəqiq və aydın olması üçün cihaz, məxfilik örtüyü ilə təmin olunmuş 1440p QHD IR kamera ilə təchiz olunmuşdur.

     “Swift Go 14 AI”, zərif və yığcam dizaynı ilə də diqqət çəkir. Cihazın nazik alüminium gövdəsi üzərində AI loqosu və NPU və ya “Copilot” istifadə edildikdə işıq saçan AI aktivlik göstəricisi yerləşdirilmişdir. Cihaz həmçinin 180 dərəcə açılma imkanına malikdir və bir əllə asanlıqla açıla bilir. Cihaz iki USB 4.0 Type-C portu, iki USB Type-A portu, Wi-Fi 7 və Bluetooth 5.4 dəstəyi ilə sürətli və etibarlı bağlantı təmin edir. Sözügedən cihazın həm AMD həm də Intel prosessorları ilə təchiz edilmiş modelləri də təqdim edilib. 

 

     Acer-in yeni noutbukları, istifadəçilərə intuitiv AI həllər təqdim edir. “AcerSense” düyməsi vasitəsilə sürətli AI xüsusiyyətlərinə bir toxunuşla çıxış imkanı verir. “Acer Assist” tətbiqi, cihazdakı sənədləri təhlükəsiz şəkildə axtarmağa və qısaltmağa kömək edir. AI ilə gücləndirilmiş konfrans alətləri, 1440p QHD IR vebkamera və 3 mikrofonlu səs sistemini tamamlayır və istifadəçilərin ən yaxşı görünməsini və səslənməsini təmin edir. Həmçinin, bu il ərzində gələcək yeniliklər vasitəsilə “Copilot+ PC AI” təcrübələri “Swift” cihazlarına pulsuz olaraq əlavə ediləcək. 

 

     Yeni “Swift 14 AI” və “Swift 16 AI” noutbukları, 32 GB-a qədər LPDDR5X yaddaş və 2 TB PCIe Gen 4 NVMe SSD ilə təchiz olunmuşdur. Wi-Fi 7, Bluetooth 5.4, HDMI 2.1 və Thunderbolt 4 dəstəkləyən USB Type-C portları ilə sürətli və etibarlı bağlantı təmin edilir. Acer, həmçinin bu noutbuklarda davamlı dizayn prinsiplərinə sadiq qalaraq, PCR plastik materiallardan istifadə edir və 100% təkrar emal edilən qablaşdırma ilə gəlir. Bu cihazlar “EPEAT Gold” sertifikatına malikdir.

     Berlində keçirilən tədbirdə yeni “TravelMate P6 14” AI noutbukunu da təqdim edib. Bu yeni model, 1 kiloqramdan az çəkisi ilə bazarda Copilot+ xüsusiyyətli PC-lər arasında lider mövqeyə sahibdir. Acer “TravelMate P6 14 AI”, yüksək performans, daşınma rahatlığı və süni intellekt qabiliyyətləri ilə təşkilatlar və müəssisələr üçün nəzərdə tutulmuşdur.

     Bu noutbuk, “Windows 11 Pro” əməliyyat sistemi ilə işləyir və “Intel® Core™ Ultra” (2-ci Seriya) prosessorları ilə təchiz edilmişdir. Bu prosessorlar, daxili neyron prosessora (NPU) sahibdir və 120 TOPS AI performansı təmin edir. Noutbukun karbondan hazırlanmış nazik və yüngül gövdəsi, istifadəçilərə güclü performans və eyni zamanda süni intellekt vasitələri və proqram təminatı ilə işləmək imkanı yaradır. Acer “TravelMate P6 14” AI noutbuku, 14 düym ölçüsündə WQXGA+ (2880x1800) və ya WUXGA (1920x1200) ekran variantları ilə təklif olunur. Ekran 16:10 ölçü nisbətinə malikdir və 400 nit parlaqlıqda, 100% sRGB rəng qamutuna sahibdir. Bu xüsusiyyətlər, incə çərçivələr və 82% ekran-gövdə nisbəti ilə birlikdə daha geniş və cəlbedici görüntü təcrübəsi yaradır. 

     NPU istifadədə olarkən noutbukun touchpad üzərindəki AI loqosu yanır və cihazda “Acer Experience Zone” proqramı ilə güclü AI xüsusiyyətləri təklif olunur. “Acer Assist” sənədləri və “dataset”ləri qısa məzmun şəklində təqdim edir və istifadəçilərə cihazdan kənara çıxmadan texniki suallar üçün cavablar verir. “Acer LiveArt 2.0” şəkillərin fonunu asanlıqla aradan qaldırır və 2D şəkillərdə dərinlik xəritələri yaradır. Bundan əlavə, “GIMP” və “Intel Stable Diffusion” plugin-ləri vasitəsilə qısa mətnlər ilə şəkil və illüstrasiyalar yaratmaq mümkündür. 

     “Acer QuickPanel” kamera işə düşəndə avtomatik olaraq aktivləşir və kamera və mikrofon parametrlərini tez bir zamanda dəyişməyə imkan verir. “Acer PurifiedView 2.0”, video konfranslar və canlı yayım zamanı güclü AI xüsusiyyətləri ilə görüntünü təkmilləşdirir və enerji sərfiyyatını optimallaşdırır. Səs üçün isə “Acer PurifiedVoice 2.0”, AI ilə səs-küyü azaldır və əsas səsin keyfiyyətini artırır. 

     Acer “TravelMate P6 14” AI modeli, iş dünyası üçün bir çox kommersiya həlləri təklif edir. TravelMateSense proqramı vasitəsilə işçilər bir düymə ilə dəstək sistemlərinə daxil ola bilirlər. Workflow funksiyası, müxtəlif iş ssenariləri üçün lazım olan funksiyaları bir araya gətirir və təhlükəsizlik üçün Secure Guard, cihazı potensial təhdidlərdən qoruyur. Bununla yanaşı, Checkup funksiyası cihazın komponentlərinin sağlamlığını yoxlayır və batareya şarjını optimallaşdırmaq üçün kalibrasiya təlimatları təqdim edir. 

     Nəticə olaraq, Acer “TravelMate P6” 14 AI modeli yüksək performans, güclü süni intellekt alətləri və yüksək səviyyəli təhlükəsizlik xüsusiyyətləri ilə iş dünyası üçün ideal bir seçimdir. Bu noutbuk, daşınması asan olan, uzun ömürlü və yüksək texnoloji tələbləri ödəyən bir cihaz axtaran müştərilər üçün mükəmməl bir həlldir.