AMD prosessorlu ASUS ROG Flow Z13 (2025) gaming planşeti təqdim edilib - QİYMƏTİ

CES 2025-dən yayımlarımız Azercell-in eksklüziv tərəfdaşlığı ilə təqdim olunur.

     ASUS şirkəti CES 2025 sərgisi çərçivəsində ASUS ROG Flow Z13 (2025) gaming planşetini təqdim edib. ASUS-un bu yeni gaming planşeti böyük ölçülü ekranı və AMD-nin yeni prosessoru ilə seçilir. Beləliklə ASUS ROG Flow Z13 (2025) planşeti 180 Hz-lik təsvir yenilənməsinə sahib 2560x1600 piksel keyfiyyətli 13.4 düym ölçülü IPS adlı ekranla təchiz olunub. Ekranın istifadəçi əməliyyatlarına reaksiya müddəti 3 millisaniyə təşkil edir və o, Gorilla Glass 5 qoruyucu şüşəsi ilə əhatə olunub. Planşet iki versiyada təqdim edilib. Birinci versiya AMD-nin Ryzen AI Max+ 395 prosessoru vasitəsilə çalışır. Bu versiyada qrafik imkanlardan Radeon 8060S qrafik çipi cavabdehdir.

     İkinci versiya isə AMD Ryzen AI Max 390 prosessoru vasitəsilə çalışır və onda qrafik imkanlardan Radeon 8050S qrafik çipi cavabdehdir. Planşet özündə LPDDR5X standartlı 32 GB-lıq RAM-ı və 1 TB-lıq SSD-ni birləşdirir. Planşet 13 MP-lik arxa kameraya və 5 MP-lik ön kameraya sahibdir. Batareyaya gəldikdə isə ASUS ROG Flow Z13 (2025) sürətli şarj texnologiyasının dəstəyinə sahib 70 vatt-saat həcmli batareya ilə təchiz olunub. ASUS bildirib ki, planşetin batareyası 50% enerjini 30 dəqiqə ərzində yığır. Planşetin gövdə qalınlığı 12 mm, çəkisi isə 1.2 kq təşkil edir. ASUS ROG Flow Z13 (2025) bu ilin birinci rübündə satışa çıxacaq. Planşetin AMD Ryzen AI Max 390 prosessoruna sahib versiyasının qiyməti 2000$, AMD Ryzen AI Max+ 395 prosessoruna sahib versiyasının qiyməti isə 2200$ təşkil edəcək.

Bənzər xəbərlər

Cihazlar+

ASUS ROG Swift OLED PG27UCDM gaming monitoru təqdim edilib

ASUS şirkəti öz yeni gaming monitorunu təqdim edib. Yeni monitor ASUS ROG seriyasına daxildir və ROG Swift OLED PG27UCDM adlanır.

Cihazlar+

ASUS güclü gaming planşetini təqdim etməyə hazırlaşır

5 yanvar tarixində ABŞ-da CES 2025 sərgisi start götürəcək. ASUS şirkəti daha öncə rəsmi şəkildə elan etmişdi ki, o, 6 yanvar tarixində CES 2025 sərgisi çərçivəsində qlobal təqdimat tədbirini keçirəcək.

Cihazlar+

ASUS V16 (V3607) gaming noutbuku təqdim edilib

ASUS şirkəti öz yeni gaming noutbukunu təqdim edib. Şirkətin yeni gaming noutbuku ASUS V16 (V3607) adlanır.

Cihazlar+

ASUS ROG Phone 9-un büdcəli versiyası hazırlanır

ASUS bir neçə müddət bundan öncə ASUS ROG Phone 9 smartfonlarını təqdim etdi. Bu seriyaya adi ROG Phone 9 ilə yanaşı ROG Phone 9 Pro da daxil oldu.

Cihazlar+

ASUS ROG Phone 9 və ROG Phone 9 Pro smartfonları təqdim edilib - QİYMƏTİ

ASUS şirkəti ROG Phone 9 smartfon seriyasını təqdim edib. Bu seriyaya iki model daxil olub. ASUS ROG Phone 9 və ROG Phone 9 Pro. ASUS-un bu yeni smartfonları həm xarici görünüşcə həm də bəzi texniki imkanlar baxımından eynidirlər.