AOC AG256FS gaming monitoru təqdim edilib

     AOC şirkəti öz yeni gaming monitorunu təqdim edib. Təqdim edilmiş monitor AOC AG256FS adlanır. Beləliklə AOC şirkətinin bu yeni gaming monitoru 360 Hz-lik təsvir yenilənməsinə sahib Full HD keyfiyyətli 24.5 düym ekranla təchiz olunub. Bununla yanaşı ekranın təsvir yenilənməsi göstəricisini 390 Hz-ə kimi yüksəltmək mümkündür. Ekranın maksimal parlaqlıq səviyyəsi 400 nit təşkil edir. Ekran üstəlik 8 bit-lik rəngləri dəstəkləyir və sRGB rəng diapazonunun 100%-ni əhatə edir. Monitor özündə HDMI 2.0, DisplayPort 1.4, USB-A 3.2 girişlərini və naqilli qulaqlıqlar üçün nəzərdə tutulmuş 3.5 mm-lik audiogirişi birləşdirir. O həmçinin RGB işıqlandırmaya da sahibdir. AOC AG256FS-in nə zaman satışa çıxacağı və hansı qiymətə satılacağı barəsində məlumat verilməyib. Lakin gözləntilərə əsasən monitorun qiyməti 450 avro təşkil edəcək.