ASUS iki ekranlı noutbukunu təqdim edib - QİYMƏTİ

Cihazlar+

11.01.2024

Emil Nəcəfov

ASUS şirkəti CES 2024 sərgisi çərçivəsində maraqlı bir noutkubunu təqdim edib. Söhbət, ASUS Zenbook Duo (2024)-dən gedir. Sözügedən noutbukun əsas fərqləndirici tərəfi ondan ibarətdir ki, o, 120 Hz-lik təsvir yenilənməsinə sahib 3K keyfiyyətli iki ədəd 14 düym-lük ASUS Lumina OLED ekranla təchiz olunub. Ekranlar bir-birilərinə xüsusi şarnir konstruksiyası ilə birləşirlər. Nəticədə noutbukun hər iki hissəsinin maksimal açılma bucağı 180 dərəcə təşkil edir. Tam açıq şəkildə noutbuk 19.8 düym ölçülü vahid ekrana sahib olur.

Noutbukun arxasında olan dayaq və qoşula bilən ayrıca klaviatura sayəsində noutbuku həm şaquli həm də üfüqi vəziyyətdə istifadə etmək olar. Əsas texniki göstəricilərə gəldikdə isə ASUS Zenbook Duo (2024) noutbuku Intel Core Ultra 9 prosessoru vasitəsilə çalışır və özündə LPDDR5x standartlı 32 GB RAM ilə 2 TB-a kimi SSD-ni birləşdirir. Noutbuk 75 vatt saat batareya həcmi ilə təchiz olunub və sürətli şarj texnologiyasını dəstəkləyir. Noutbuk üstəlik Thunderbolt 4, USB-A 3.2, HDMI 2.1 girişlərinə və naqilli qulaqlıqlar üçün nəzərdə tutulmuş 3.5 mm-lik audiogirişə sahibdir. ASUS Zenbook Duo (2024) yaxın zamanda 1500$ qiymətində satışa çıxacaq.

Linki kopyala

asus

asus zenbook duo 2024