ASUS ROG Phone 8 flaqman smartfonu Geekbench testlərindən keçib

     ASUS şirkəti ROG Phone 8 smartfon seriyasını 16 yanvar tarixində təqdim edəcək. Bu seriyaya daxil olacaq adi ROG Phone 8 modelinin Geekbench testlərindən keçdiyi məlum olub. Beləliklə Geekbench məlumatlarına əsasən sözügedən smartfon Snapdragon 8 Gen 3 prosessoru vasitəsilə çalışacaq. Bununla yanaşı smartfon 16 GB RAM-ı əldə edəcək və qutudan Android 14 vasitəsilə çalışacaq.

     Beləliklə ASUS ROG Phone 8 smartfonu Geekbench-in bir nüvəli testi çərçivəsində 2210 xal, çox nüvəli testi çərçivəsində isə 6863 xal toplayıb. Son məlumat sızıntılarına əsasən ASUS ROG Phone 8 smartfonu 165 Hz-lik təsvir yenilənməsinə sahib Full HD+ keyfiyyətli 6.78 düym AMOLED ekran, 50 MP + 32 MP + 13 MP üçlü arxa kamera, 32 MP-lik ön kamera və 65 vatt gücündə sürətli şarj texnologiyalı 5500 mAh enerji tutumlu batareya ilə təchiz olunacaq.