ASUS ROG Phone 9 Pro bazarda ən sürətli ekranı əldə edəcək
Cihazlar+
01.11.2024
Emil
ASUS şirkəti 19 noyabr tarixində ASUS ROG Phone 9 smartfon seriyasını təqdim edəcək. Bu seriyaya iki modelin daxil olacağı gözlənilir. ASUS ROG Phone 9 və ROG Phone 9 Pro. İndi isə Digital Chat Station ləqəbli məşhur insayder ROG Phone 9 Pro modelinin ekranı barəsində təfərrüatları bölüşüb. Onun sözlərinə əsasən ROG Phone 9 smartfonlar arasında ən sürətli ekranı əldə edəcək.
Məlumatda qeyd edilib ki, smartfon 185 Hz-lik təsvir yenilənməsinə sahib LTPO ekranla təchiz olunacaq. Müqayisə üçün qeyd etmək lazımdır ki, hal-hazırda aktual olan ASUS ROG Phone 8 Pro smartfonunun ekranı 165 Hz-lik təsvir yenilənməsini dəstəkləyir. İnsayderin sözlərinə əsasən 185 Hz-lik təsvir yenilənməsi özəlliyini yalnız ROG Phone 9 Pro əldə edəcək. Gözləntilərə əsasən ROG Phone 9 Pro smartfonu Snapdragon 8 Elite prosessoru vasitəsilə çalışacaq və onun gövdəsi IP68 standartı üzrə sudan qorunma özəlliyinə sahib olacaq.
Paylaş
Ən çox oxunanlar
15 000-dən çox şagird Milli Hakatonun seçim mərhələsində iştirak edib.
