ASUS ROG Phone 9-un real fotoları ortaya çıxıb

     ASUS şirkəti dünən ASUS ROG Phone 9 gaming smartfonunun təqdimatını anons etdi. Sözügedən smartfon 19 noyabr tarixində təqdim olunacaq. İndi isə internetdə ASUS ROG Phone 9-un real fotoları ortaya çıxıb. Ortaya çıxmış fotolardan da görmək olar ki, bu yeni smartfon xarici görünüşcə demək olar ASUS ROG Phone 8-ə bənzəyir. Belə ki, ASUS ROG Phone 8 kimi ROG Phone 9 da yastı ekrana və arxa kamera sahəsinin tanınan dizaynına sahibdir. Ekranın üzərində isə kiçik dairəvi çıxıntı yerləşir. Fotolardan birində əks olunub ki, ASUS ROG Phone 9 smartfonu Snapdragon 8 Elite prosessoru vasitəsilə çalışır. Şirkət artıq bu məlumatı dünən təsdiqləyib.