ASUS TUF Gaming A18 gaming noutbuku təqdim edilib
ASUS öz yeni gaming noutbukunu təqdim edib. Şirkətin yeni gaming noutbuku ASUS TUF Gaming A18 adlanır. Beləliklə bu yeni noutbuk 240 Hz-lik təsvir yenilənməsinə sahib 2560х1600 piksel keyfiyyətli 18 düym ölçülü IPS ekranla təchiz olunub. Ekranın maksimal parlaqlıq səviyyəsi 500 nit təşkil edir və o, DCI-P3 rəng diapazonunun 100%-ni əhatə edir. Üstəlik ekran NVIDIA G-Sync texnologiyasının dəstəyinə sahibdir. Noutbukun əsas fərqləndirici özəlliklərindən biri də odur ki, onun qapağını 180 dərəcə əymək olar. ASUS TUF Gaming A18 iki versiyada təqdim edilib.
Birinci versiya 8 nüvəli AMD Ryzen 7 260 prosessoru vasitəsilə, ikinci versiya isə 24 nüvəli Intel Core Ultra 9 275HX prosessoru vasitəsilə çalışır. Qrafik imkanlardan 8 GB VRAM-a sahib NIVIDIA GeForce RTX 5070 videokartı cavabdehdir. Bundan əlavə olaraq noutbuk özündə 32 GB-a kimi RAM-ı və 2 TB-a kimi SSD-ni birləşdirir. Noutbukun batareya həcmi isə 90 vatt-saat təşkil edir. ASUS TUF Gaming A18 özündə HDMI 2.1, USB 2.0 Type-A, USB 3.2 Gen 2 Type-A, USB 3.2 Gen 2 Type-C və USB 4 Type-C girişlərini birləşdirir. Noutbukun nə zaman və hansı qiymətə satışa çıxacağı açıqlanmayıb.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
