Bu il OnePlus-dan qatlana bilən smartfon olmayacaq

     OnePlus yeni qatlana bilən smartfonların buraxılması ilə bağlı rəsmi açıqlama yayıb. Qısa sözlə desək, şirkət bu il nə OnePlus Open-in davamçısını, nə də başqa qatlana bilən modelləri təqdim etməyi planlaşdırmır. İstehsalçı bu qərarın səbəbini də izah edib. Əvvəlcədən güman edilirdi ki, 20 fevral tarixində təqdim olunacaq qatlana bilən OPPO Find N5 smartfonu bəzi bazarlarda OnePlus Open 2 adı ilə satışa çıxacaq. Eynilə OPPO Find N3 və OnePlus Open modellərində olduğu kimi. Lakin OnePlus rəsmi olaraq bu il qatlana bilən smartfon buraxmayacağını və bu mövzuda fasilə götürdüyünü açıqlayıb.

     "Bu gözlənilməz ola bilər, lakin hazırkı mərhələdə bunun bizim üçün doğru yanaşma olduğuna inanırıq. OPPO şirkəti Find N5 ilə qatlana bilən cihazlar seqmentində lider mövqelərə sahib olduğu üçün biz də fərqli kateqoriyaları yenidən nəzərdən keçirən və sizə həmişə olduğu kimi innovativ və həyəcanverici təcrübələr təqdim edən məhsullar hazırlamağa çalışırıq. Bu da bizim Never Settle şüarımıza tam uyğundur" - deyə OnePlus-un rəsmi açıqlamasında bildirilib.

     Bundan əlavə, orijinal OnePlus Open sahibləri proqram təminatı və təhlükəsizlik yeniləmələrini şirkətin siyasətinə uyğun olaraq əldə etməyə davam edəcəklər. Lakin bu fasilənin müvəqqəti olduğu, yoxsa OnePlus-ın qatlana bilən smartfon bazarından tamamilə çəkildiyi hələlik məlum deyil.

Mənbə: 9to5google

Bənzər xəbərlər

Cihazlar+

OPPO Find N5-in gövdə qalınlığı rəsmi şəkildə açıqlanıb

OPPO yeni texnoloji təqdimat keçirib və təqdimata hazırlaşan qatalan bilən Find N5 smartfonu haqqında rəsmi detalları açıqlayıb. Bu cihaz bazardakı ən incə və texnoloji cəhətdən ən inkişaf etmiş qatlana bilən smartfonlardan biri olmağa namizəddir.

Cihazlar+

Qatlana bilən OPPO Find N5-in təqdimatı rəsmi şəkildə anons edilib

Bir neçə ay ərzində olmuş müxtəlif məlumat sızıntılarından sonra OPPO şirkəti sonunda öz yeni qatlana bilən smartfonunun təqdimatını rəsmi şəkildə anons edib. Söhbət, OPPO Find N5-dən gedir.

Cihazlar+

Təqdimata hazırlaşan OPPO Find X8 Mini barəsində yeni təfərrüatlar təqdim edilib

OPPO şirkəti yeni flaqman smartfonu Find X8 Mini-nin təqdimatına hazırlaşır. Bu cihazın mart ayında Find X8 Ultra modeli ilə birlikdə təqdim ediləcəyi gözlənilir.

Cihazlar+

Qatlana bilən OPPO Find N5-in müxtəlif gövdə rənglərində fotoları təqdim edilib

OPPO bu ay ərzində qatlana bilən OPPO Find N5 flaqman smartfonunu təqdim etməyə hazırlaşır. Evan Blass adlı məşhur insayder öz növbəsində bu yeni smartfonun ilk keyfiyyətli render fotolarını bölüşüb.

Cihazlar+

OPPO Find X9 Ultra barəsində ilk məlumat verilib

OPPO şirkəti bu il ərzində OPPO Find X9 smartfon seriyasını təqdim edəcək. Bu seriyaya daxil olacaq modellərdən biri də OPPO Find X9 Ultra olmalıdır.