Google Android vasitəsilə çalışacaq Pixel noutbuku hazırlayır
Cihazlar+
20.11.2024
Emil
Android Headlines saytının vermiş olduğu məlumata əsasən Google şirkəti Pixel brendi altında noutbukun hazırlanması prosesinə start verib və bunun üçün şirkət daxilində ayrıca komandanı formalaşdırıb. Məlumatda qeyd edilib ki, hazırlanan noutbuk Snowy kod adına sahibdir və o, premium seqmentə istiqamətlənib. Pixel brendi altında satılacaq noutbuk hələ ilkin hazırlanma mərhələsindədir. Buna görə də onun barəsində ətraflı məlumat yoxdur.
Mövcud olan məlumatlar isə ehtimallara əsaslanır. Android Authority saytının əməkdaşları bildiriblər ki, hazırlanan bu noutbuk ChromeOS əvəzinə Android vasitəsilə çalışacaq. Digər məlumatlara inansaq, noutbuk MacBook Pro, Dell XPS, Microsoft Surface Laptop və Samsung Galaxy Chromebook kimi premium cihazlarla eyni səviyyədə olacaq. Qeyd etmək lazımdır ki, Google artıq özünün Chromebook modellərinə sahibdir. Onlardan ən sonuncusu 2019-cu ildə satışa çıxmışdı. Söhbət, PixelBook Go-dan gedir.
Paylaş
Bənzər xəbərlər
Proqram Təminatı
Android 16-nın tərtibatçılar üçün ilk beta testi təqdim edilib
Android 15-in hələ bütün cihazlarda aktiv olmamasına baxmayaraq Google şirkəti gələn il istifadəyə veriləcək Android 16-nın tərtibatçılar və testçilər üçün nəzərdə tutulmuş ilkin versiyasını təqdim edib.
Proqram Təminatı
Google şirkəti ChromeOS ilə Android-i birləşdirməyi planlaşdırır
Verilmiş yeni məlumata əsasən Google şirkəti ChromeOS ilə Android-in birləşdirilməsi üzərində çalışır.
Elm & Texnologiya
NVIDIA və Google kvant prosessorları üçün əməkdaşlığa başlayıb!
Google və NVIDIA kvant prosessorları üçün əməkdaşlıq etdiklərini elan ediblər. Bu əməkdaşlıq çərçivəsində Google mühəndisləri NVIDIA-nın Eos adlı superkompüterindən istifadə edəcəklər.
Tech-Biznes
Google-dan Chrome brauzerinin satılması tələb ediləcək
ABŞ Ədliyyə Nazirliyi, Google şirkətinə qarşı qaldırılmış antimonopoliya məhkəmə ittihamının məhkəmə prosesini icra edən hakim Amit Mehta-ya sabah müraciət edəcək. Öz müraciətində nazirlik hakimdən şirkətin öz Chrome brauzerini satmasına istiqamətlənmiş qərarı verməsini tələb edəcək.
Cihazlar+
Google artıq Pixel Tablet 2 planşeti üzərində çalışır
Google şirkəti keçən il Pixel Tablet adlı planşetini təqdim etmişdi. İndi isə şirkət onun davamçısı üzərində çalışır. Söhbət, Pixel Tablet 2-dən gedir.
Ən çox oxunanlar
Honor Magic 7 Pro-nun qlobal versiyası təqdim edilib - QİYMƏTİ
