Google Pixel 9 smartfonlarının real fotoları təqdim edilib
Cihazlar+
14.05.2024
Emil
Google şirkəti bu ilin ikinci yarısında Pixel 9 smartfon seriyasını təqdim edəcək. Bir neçə müddət bundan öncə ortaya çıxmış məlumatlarda qeyd edilmişdi ki, Google bu il təqdim olunacaq Pixel 9 smartfon seriyasında 3 modeli sərgiləyəcək. Pixel 9, Pixel 9 Pro və Pixel 9 Pro XL. İndi isə Rozetked saytı bu smartfonların real fotolarını təqdim edib. Məlumata əsasən adi Pixel 9 modeli ikili arxa kameranı əldə edəcək. Bununla belə onun arxa kamera sahəsi Pixel 8-də olduğu kimi smartfonun kənar hissələri ilə birləşməyəcək.
Bununla yanaşı Pixel 8-dən fərqli olaraq Pixel 9 modeli daha yastı kənar hissələri əldə edəcək. Fotolardan da görmək olar ki, Pixel 9 Pro və Pixel 9 Pro XL modelləri də eyni görünüşə sahibdirlər. Bu smartfonlar arasındakı əsas fərqlər məhz texniki imkanlarda olacaq. Qeyri-rəsmi məlumatlara əsasən Pixel 9 modeli 6.24 düym, Pixel 9 Pro modeli 6.34 düym, Pixel 9 Pro XL modeli isə 6.73 düym ölçülü ekranla təchiz olunacaq. Bununla yanaşı Pixel 9 Pro ilə Pixel 9 Pro XL-in 5 qat zoom özəlliyinə sahib periskop kamera obyektivini əldə edəcəyi gözlənilir. Hər üç smartfon böyük ehtimal ilə Google Tensor G4 prosessoru vasitəsilə çalışacaq.
Paylaş
Ən çox oxunanlar
Qatlana bilən Huawei MateBook Fold ULTIMATE noutbuku təqdim edilib - QİYMƏTİ
