Google Pixel Watch 3 smart saatı təqdim edilib - QİYMƏTİ
Cihazlar+
14.08.2024
Emil Nəcəfov
Google şirkəti Made by Google tədbiri çərçivəsində yeni smartfonları ilə yanaşı yeni smart saatını da təqdim edib. Söhbət, Google Pixel Watch 3-dən gedir. Təqdim edilmiş Pixel Watch 3 xarici görünüşcə keçən ilki Pixel Watch 2-yə bənzəyir. Lakin keçən ilki smart saatdan fərqli olaraq Pixel Watch 3 modeli 2 gövdə ölçüsündə təqdim edilib. Birinci versiya 41 mm-lik gövdə ölçüsünə, ikinci versiya isə 45 mm-lik gövdə ölçüsünə sahibdir. 41 mm-lik gövdə ölçüsünə sahib versiya 1 Hz-dən 60 Hz-ə kimi təsvir yenilənməsinə sahib 1.2 düym ölçülü AMOLED ekranla, 45 mm-lik gövdə ölçüsünə sahib versiya isə 1 Hz-dən 60 Hz-ə kimi təsvir yenilənməsinə sahib 1.4 düym ölçülü AMOLED ekranla təchiz olunub.
Hər iki versiyada ekran Always-on-Display funksiyasını dəstəkləyir və üstəlik Gorilla Glass 5 qoruyucu şüşəsi ilə əhatə olunub. Bununla yanaşı hər iki versiyada ekranın maksimal parlaqlıq səviyyəsi 2000 nit təşkil edir. Pixel Watch 3 smart saatı Snapdragon W5+ Gen 1 prosessoru vasitəsilə çalışır və 2 GB RAM ilə 32 GB daxili yaddaş həcmini əldə edib. Bununla yanaşı smart saatda 4G, Bluetooth 5.3, Wi-Fi, GPS və NFC dəstəyi reallaşdırılıb. Pixel Watch 3 ürək döyüntüləri tezliklərini, qandakı oksigen miqdarını və bədən temperaturunu ölçə bilir.
Smart saatın sahib olduğu maraqlı özəlliklərindən biri də odur ki, əgər istifadəçinin nəbzi ani olaraq dayanarsa, smart saat həmin anda təcili tibbi yardım xidməti ilə əlaqəyə keçəcək. Smart saatın 41 mm-lik gövdə ölçüsünə sahib versiyası özündə 310 mAh enerji tutumlu batareyanı, 45 mm-lik gövdə ölçüsünə sahib versiyası isə 420 mAh enerji tutumlu batareyanı birləşdirir. Həmçinin Pixel Watch 3 keçən ilki modeldən fərqli olaraq 20% daha sürətlə şarj olunur. Smart saat 10 sentyabr tarixində satışa çıxacaq. Onun qiymətləri isə aşağıdakı kimi olacaq.
- 41 mm gövdə ölçüsü + Wi-Fi - 349$
- 41 mm gövdə ölçüsü + LTE - 449$
- 45 mm gövdə ölçüsü + Wi-Fi - 399$
- 45 mm gövdə ölçüsü + LTE - 499$.
Linki kopyala
Bənzər xəbərlər
Oxşar xəbərlər
Qatlana bilən Google Pixel 9 Pro Fold təqdim olunub - QİYMƏTİ
Qatlana bilən Google Pixel 9 Pro Fold təqdim olunub - QİYMƏTİ
Google şirkəti Made by Google tədbiri çərçivəsində Pixel 9, Pixel 9 Pro, Pixel 9 Pro XL smartfonları ilə yanaşı yeni qatlana bilən smartfonunu da təqdim edib.
Google Pixel 9, Pixel 9 Pro və Pixel 9 Pro XL smartfonları təqdim edilib - QİYMƏTİ
Google Pixel 9, Pixel 9 Pro və Pixel 9 Pro XL smartfonları təqdim edilib - QİYMƏTİ
Google şirkəti keçirtmiş olduğu Made by Google tədbiri çərçivəsində yeni cihazlarını təqdim edib. Tədbir çərçivəsində əsas diqqət isə Pixel 9 smartfon seriyasına ayrılıb.
Google, ABŞ-ın qaldırdığı iddiaya görə, Android və Google-u satmalı ola bilər!
Google, ABŞ-ın qaldırdığı iddiaya görə, Android və Google-u satmalı ola bilər!
Dünən Pixel 9 seriyası ilə qarşımıza çıxan Google, bu gün üzücü bir iddia ilə gündəmə gəlir. ABŞ Ədliyyə Nazirliyinin açdığı iddiada şirkət, Google axtarış sistemini və onun brauzeri Chrome-u Android cihazlarına yüklənmiş olaraq gətirdiyinə görə, günahlandırılır.
Google Pixel Watch 3-ün yeni render fotoları təqdim edilib
Google Pixel Watch 3-ün yeni render fotoları təqdim edilib
Google şirkəti 13 avqust tarixində Pixel 9 smartfonları ilə yanaşı həmçinin Pixel Watch 3 smart saatını da təqdim edəcək.
Google Gemini YouTube-da yeni videoların tərtibatında yardımçı olacaq
Google Gemini YouTube-da yeni videoların tərtibatında yardımçı olacaq
Google şirkəti YouTube-dakı Creator Studio-ya Gemini süni zəka modelini inteqrasiya edib.
Həftənin xəbərləri
